ناۋرىزداعى مەرەكەگە وراي ايەلدەرگە ءبىر رەتتىك تولەم بەرىلەدى

فوتو: اشىق دەرەككوز

شىمكەنتتە «التىن» جانە «كۇمىس» القا يەگەرلەرى, «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ناگرادتالعان انالارعا 5 اەك مولشەرىندە ءبىر رەتتىك الەۋمەتتىك تولەم جاسالادى, دەپ حابارلادى qandastar.kz

«شىمكەنت قالاسى ءماسليحاتىنىڭ شەشىمىنە سايكەس, 8 ناۋرىز – حالىقارالىق ايەلدەر كۇنىنە وراي «التىن»  جانە «كۇمىس» القا يەگەرلەرى, «باتىر انا» اتاعىن العان, ءى جانە ءىى دارەجەلى «انا داڭقى» وردەندەرىمەن ناگرادتالعان انالارعا 5 اەك مولشەرىندە ءبىر رەتتىك الەۋمەتتىك تولەم جاسالادى. ءبىر رەتتىك الەۋمەتتىك تولەم ءۇشىن كوپبالالى انالاردىڭ ءتىزىمى «ازاماتتارعا ارنالعان ۇكىمەت» مەملەكەتتىك كورپورتسياسى كەاق بازاسىنان الىنادى», – دەلىنگەن حابارلامادا.

اكىمدىكتىڭ دەرەگىنشە, شىمكەنت قالاسىندا 2025 جىلدىڭ 1 اقپانداعى مالىمەت بويىنشا, كوپبالالى انالار سانى – 67 741, ونىڭ ىشىندە «التىن القا», «كۇمىس القا» بەلگىلەرىمەن ماراپاتتالعاندار – 13 805. كوپبالالى, ياعني 4-5 بالاسى بار انالار سانى – 53 936.