ناۋرىزناما: 19 ناۋرىز — جاڭارۋ كۇنى

فوتو: اشىق دەرەككوز

ناۋرىزناما ونكۇندىگىنىڭ التىنشى كۇنى «ءومىردىڭ جاڭارۋىن» بەينەلەيتىن جاپپاي اعاش وتىرعىزۋ شاراسىنا ارنالادى, دەپ جازدى qandastar.kz

ناۋرىز مەيرامى تەك قۋانىشتى تويلاۋ عانا ەمەس, وتكەندى سارالاپ, بولاشاققا جوسپار قۇرۋدىڭ ۋاقىتى.
بۇگىن ەل اۋماعىندا وتىرعىزىلعان اعاشتاردىڭ جەمىس بەرگەنى سياقتى جاڭا يدەيالار مەن قۇندىلىقتار, العا قويعان ماقساتتار جەمىسىن بەرىپ, وركەندەۋگە جەتەلەيدى.

19 ناۋرىز جاڭارۋ كۇنى جاپپاي اعاش وتىرعىزۋ ءداستۇرى قازاقستاننىڭ جاڭارۋ كەزەڭىن, دامۋى مەن گۇلدەنۋىن بەينەلەيدى. بۇل – كوكتەمگى جاڭارۋ مەرەكەسى. تابيعات وزگەرىپ, ءومىر قايتا جاندانادى دەپ سانالادى. جاڭارۋ كۇنى ەل ومىرىندەگى جانە ءاربىر ازاماتتىڭ ومىرىندەگى جاڭا كەزەڭنىڭ باستالۋىن بىلدىرەدى. ناۋرىزنامانىڭ ءار كۇنى ەلىمىزدە يگى ءىس-شارالارمەن جالعاسىپ, ۇلتتىق قۇندىلىقتارىمىز دارىپتەلىپ جاتىر. بۇل كۇنى ۇلكەندەر اعاش ەگىپ, ۇرپاعىمىز كوكتەپ, كوگەرسىن دەپ نيەتتەنەدى. كوكتەپ, كوگەرۋ دەگەنىمىز – ۇرپاقتىڭ ءونىپ-ءوسۋى.