Naýryznama: Búgin – Ulttyq kıim kúni

Foto: ashyq derekkóz

Qazirgi modernızaııa dáýirinde ulttyq kıim óz mánin joımaı, burynǵy dástúrler men zamanaýı úrdisterdi úılestire otyryp, jańa ınterpretaııaǵa ıe boldy. Ulttyq stıl ulttyq minez pen ult birligin aıshyqtaı otyryp, el mádenıeti men tarıhynyń ajyramas bóligine aınaldy, dep jazady Qandastar.kz

Naýryznamanyń bul kúni — «Ulttyq kıim kúni» dep ataldy. Ultymyzdyń ulylyǵyn aıshyqtaıtyn ulttyq kıim árqashan óz qundylyǵyn joǵaltqan emes. Qazaqy oıý men áshekeıler, sáýkele men kımeshek, shapan men keń etekti kóılek ulttyq bolmysymyzdy erekshelep turatyny anyq. Bul kúndi ulttyq kıim kúni dep ataýy beker emes. О́ıtkeni, dál osy kúni ulttyq kıimder men sándi buıymdar kórsetilimi halyq nazaryna usynylyp, barlyǵy bir kúnde ulttyq kıim kıedi.

Osy kúni qala jáne barlyq jerde túrli formattaǵy is-sharalar uıymdastyrylady.

San ǵasyrlar boıy qazaqtyń ulttyq kıimi qarapaıymdylyǵymen jáne utymdylyǵymen erekshelenedi. Ulttyq kıim úlgisinde paıdalanylatyn bylǵary, jún, kıiz, mata sııaqty tabıǵı materıaldar, asyl tastar men metaldar adamǵa jylýlyq pen jaılylyq syılaýmen qatar, kıim ıesiniń ataq-dárejesin, baılyǵyn kórsetetin.

Bul aıtýly kúni biz árbir qazaqstandyqty óz mádenıeti men ulttyq biregeıligin maqtan tutýǵa, ata-babalarymyzǵa qurmet kórsetýge jáne ozyq dástúrlerimizdi qazirgi zamanǵa jalǵaýǵa shaqyramyz.