ناۆالنىي نەدەن قازا تاپتى جانە بۇل ىستە قانداي شيكىلىك بار?

فوتو: اشىق دەرەككوز

الەكسەي ناۆالنىيعا تۇرمەدە ۋ بەرىلۋى مۇمكىن, دەپ حابارلايدى Qandastar.kz.

ناقتىراق ايتساق, 16 اقپاندا رەسەيلىك وپپوزيتسيونەر الەكسەي ناۆالنىي يامالداعى №3 «پوليارنىي ۆولك» تۇزەۋ كولونياسىندا قازا بولدى. ونىڭ ءولىمى جايلى اقپارات شىققاننان كەيىن كەيبىر دەرەككوزدەر ناۆالنىيدىڭ قانى ۇيىپ قايتىس بولعانىن جەتكىزگەن.

الايدا, اقپاراتتىق كەڭىستىكتە باسقا دا نۇسقالار جەتكىلىكتى. الەكسەي ناۆالنىيدىڭ دارىگەرى, رەانيماتولوگ الەكساندر پولۋپاننىڭ ايتۋىنشا, بىرنارسە دەۋگە ءالى ەرتە. باستاپقىدا اۋتوپسيا جاسالىپ, دەرەكتەر تالدانۋى كەرەك دەگەن بولاتىن. پولۋپان ناۆالنىيدا بۇرىن ترومبوزدىڭ بەلگىلەرى بولماعانىن دا ايتادى.

بۇعان قوسا ناۆالنىيدىڭ ءولىمى بويىنشا قىلمىستىق ءىس قوزعاۋدان باس تارتىلعان قاۋلىنىڭ ەكى نۇسقاسى بار. The Insider مالىمدەگەندەي, قۇجاتتىڭ سوڭعى نۇسقاسىنان ناۆالنىيدىڭ ۋلانعان بولۋى مۇمكىن ەكەنىن كورسەتەتىن بەلگىلەر تۋرالى مالىمەتتەر الىنىپ تاستالعان.

The Insider قاۋلىنىڭ ەكى نۇسقاسىن دا جاريالادى (ولار 2024 جىلدىڭ 26 شىلدەسىندە شىققان) جانە ولاردى سالىستىردى. الدىڭعى نۇسقادا ناۆالنىيدىڭ 16 اقپاندا ءىشى اۋىرىپ, قۇسقانى جانە دەنەسى قۇرىسىپ, ارتىنان ەسىنەن تانىپ قالعانى كورسەتىلگەن. ال كەيىن جاريالانعان قاۋلىنىڭ «رەداكتسيالانعان» نۇسقاسىندا بۇل بەلگىلەر تۋرالى اقپارات جوق. باسىلىمنىڭ قولىندا ناۆالنىي قايتىس بولعاننان كەيىن الىنعان وبەكتىلەردىڭ ءتىزىمى بار, وندا دا ۋلانۋ بەلگىلەرىن دالەلدەيتىن دەرەكتەر كورسەتىلگەن.