نازارباەۆ مەكتەبىنىڭ 250 ملرد تەڭگەنى دالاعا شاشقانى بەلگىلى بولدى

فوتو: ياندەكس.كز

مەملەكەت نازارباەۆ زياتكەرلىك مەكتەپتەرىنە بەس جىل ىشىندە 250 ميلليارد تەڭگەنى ماقساتسىز ءبولىپ وتىرعانى بەلگىلى بولدى, – دەپ حابارلايدى qandastar.kz orda.kz-كە سىلتەمە جاساپ.

بۇل تۋرالى جوعارى اۋديتورلىق پالاتاسى حابارلادى.

جوعارى اۋديتورلىق پالاتانىڭ مالىمەتىنشە مينيستىرلىك بەكىتكەن 3 مىڭنان استام وقۋلىقتىڭ 67-ءى نەمەسە 2 پايىزى عانا نزم ۇلەسىنە تيەدى. ياعني, ۇيىمنىڭ ورتا ءبىلىم بەرۋ جۇيەسىن دامىتۋداعى الەۋەتى تولىق ەمەس. بولىنگەن قارجىنىڭ كولەمى ءىستىڭ ناتيجەسىمەن سايكەس كەلمەيدى.  سونىمەن قاتار, نزم جۇزەگە اسىرىلماعان شارالاردى جوسپارلاعانى انىقتالدى. 2019-2023 جىلدارعا ورىندالماعان شارالاردىڭ كولەمى شامامەن 8 ملرد تەڭگە بولدى. سونداي-اق, ءۇش جىل ىشىندە نزم 16,4 ملرد تەڭگە يگەرمەگەن, ال بانك شوتتارىندا جىل سايىن 27 ملرد تەڭگەدەن 55 ملرد تەڭگەگە دەيىن اقشا ارتىلىپ وتىردى.

جالپى مەملەكەتتىك اۋديت انىقتاعانداي, 274,4 ملن تەڭگەگە قارجىلىق زاڭ بۇزۋشىلىقتار, ءتيىمسىز جوسپارلاۋ – 8,3 ملرد تەڭگە, ءتيىمسىز پايدالانۋ – 6 ملرد تەڭگەگە جۋىق, 134 راسىمدىك جانە 30 جۇيەلىك كەمشىلىكتەر انىقتالدى.

بۇل دەگەنىمىز ۇلىتاۋ وبلىسىنىڭ بيۋدجەتى سوڭعى 5 جىلدا نازارباەۆ زياتكەرلىك مەكتەبىنە بولىنگەن قاراجاتتان الدەقايدا تومەن بولعانىن كورسەتەدى.

تەكسەرۋ ناتيجەسىندە ءبىر ماتەريال قۇقىق قورعاۋ ورگاندارىنا جولدانسا, تاعى 10 ماتەريال اكىمشىلىك ءىس قوزعاۋعا جولداندى.