Nazarbaev mektebiniń 250 mlrd teńgeni dalaǵa shashqany belgili boldy

Foto: Iandeks.kz

Memleket Nazarbaev zııatkerlik mektepterine bes jyl ishinde 250 mıllıard teńgeni maqsatsyz bólip otyrǵany belgili boldy, – dep habarlaıdy qandastar.kz orda.kz-ke silteme jasap.

Bul týraly joǵary aýdıtorlyq palatasy habarlady.

Joǵary aýdıtorlyq palatanyń málimetinshe mınıstirlik bekitken 3 myńnan astam oqýlyqtyń 67-i nemese 2 paıyzy ǵana NZM úlesine tıedi. Iaǵnı, uıymnyń orta bilim berý júıesin damytýdaǵy áleýeti tolyq emes. Bólingen qarjynyń kólemi istiń nátıjesimen sáıkes kelmeıdi.  Sonymen qatar, NZM júzege asyrylmaǵan sharalardy josparlaǵany anyqtaldy. 2019-2023 jyldarǵa oryndalmaǵan sharalardyń kólemi shamamen 8 mlrd teńge boldy. Sondaı-aq, úsh jyl ishinde NZM 16,4 mlrd teńge ıgermegen, al bank shottarynda jyl saıyn 27 mlrd teńgeden 55 mlrd teńgege deıin aqsha artylyp otyrdy.

Jalpy memlekettik aýdıt anyqtaǵandaı, 274,4 mln teńgege qarjylyq zań buzýshylyqtar, tıimsiz josparlaý – 8,3 mlrd teńge, tıimsiz paıdalaný – 6 mlrd teńgege jýyq, 134 rásimdik jáne 30 júıelik kemshilikter anyqtaldy.

Bul degenimiz Ulytaý oblysynyń bıýdjeti sońǵy 5 jylda Nazarbaev zııatkerlik mektebine bólingen qarajattan áldeqaıda tómen bolǵanyn kórsetedi.

Tekserý nátıjesinde bir materıal quqyq qorǵaý organdaryna joldansa, taǵy 10 materıal ákimshilik is qozǵaýǵa joldandy.