«Nazarbaev meniń jobamdy kerek qylmady» – Qajygeldın

Ulysmedia kollajy

Memleket qaıratkeri, qoǵam belsendisi ári Qazaqstannyń burynǵy premer-mınıstri Ákejan Qajygeldın kezinde Nazarbaev onyń Balqashta elektr stanııasyn salý týraly jobasyn kerek qylmaǵanyn aıtty, dep habarlaıdy Ulysmedia.kz.

 Ulysmedia.kz-ke bergen suhbatynda Qajygeldın birneshe depýtat jáne júreginiń túgi bar mınıstrdiń basyn qosyp, zým arqyly áleýmettik máselelerdi talqylaýdy usyndy.

– Biz mynadaı bir áreket jasasaq: siz osy stýdııa arqyly, zým arqyly 5-6 depýtat, búgingi májilistiń depýtattary, júregi bar mınıstr bolsa, sarapshylar bar, bárimiz basymyzdy qosyp, talqylaıyq. Áleýmettik jaǵdaı shynynda qandaı, qolymyzdan ne keledi, sol zýmda 5 pýnktten turatyn baǵdarlama bereıin, dedi ol.

Sondaı-aq Qajygeldın ózekti máseleni talqylap, ony sheshý joldaryn ne úshin zým arqyly talqylaý kerek ekenin de naqtylaı tústi.

– Aqylymyzdy jeke aıtatyn bolsaq ony ne basqasha qoldanady nemese ústeldiń astyna tyǵyp tastaıdy, qoldanbaıdy. Men sizge aıtaıyn 2009 jyly men burynǵy prezıdent Nazarbaevtyń qolyna ustatyp bir proekt jiberdim. Balqashta 1 mlrd kv óndiretin úlken elektrostanııa salý týraly. Onyń baǵasy 1 mlrd 100 mln eýro edi. «Keregi joq» dedi, – deıdi eks-Premer Qajygeldın.

Eske sala ketsek, 1 qańtar kúni Ákejan Qajygeldın Ulysmediaǵa keń kólemdi suhbat berip, oqyrmanǵa Qazaqstannyń keleshegi, Toqaevtyń bıligi, Nazarbaev pen Qashaǵan daýy jaıly pikirin jetkizdi.