نازارباەۆ پەن ق ۇلىباەۆ “استانا وپەرا” قامقورشىلىق كەڭەسىنەن نەگە شىعارىلدى?

فوتو:gov.kz

قازاقستاننىڭ مادەنيەت جانە اقپارات مينيسترلىگى “استانا وپەرا” تەاترىنىڭ قامقورشىلىق كەڭەسىنىڭ قۇرامىن نە ءۇشىن وزگەرتۋ تۋرالى شەشىم قابىلداعانىن ءتۇسىندىردى, دەپ حابارلايدى qandastar.kz Informburo.kz سايتىنا سىلتەپ. 

14 ناۋرىزدا “اشىق نقا” پورتالىندا جاريالانعان قاۋلى جوباسىنا سايكەس, قامقورشىلىق كەڭەستەن داريعا نازارباەۆا, تيمۋر ق ۇلىباەۆ, كەڭەس راقىشەۆ, نۇرلان سماعۇلوۆ, الماسادام ساتقاليەۆ, الەكساندر ماشكەۆيچ (ول كەزدە كاسىپكەر ءتىرى بولعان) جانە پاتوح شوديەۆتى شىعارۋ ۇسىنىلدى. ولاردىڭ ورنىنا باحاريدين ابلازيموۆ, رايىمبەك باتالوۆ, نۇرلان جاقىپوۆ, شۋحرات يبراگيموۆ جانە سەگەر حايتينگ كىرۋى مۇمكىن.

مادەنيەت جانە اقپارات مينيسترلىگى Informburo.kz سايتىنىڭ رەسمي ساۋالىنا بەرگەن جاۋابىندا تەاتردىڭ قامقورشىلىق كەڭەسى كەڭەسشى ورگان ەكەنىن جانە ونىڭ شەشىمدەرى ۇسىنىس رەتىندە قاراستىرىلاتىنىن ايتتى.

“كەڭەستىڭ باستى مىندەتى – تەاتردىڭ قالىپتاسۋى مەن دامۋىنا قولداۋ كورسەتۋ: بيۋدجەتتەن تىس قارجى كوزدەرىن تارتۋ, شىعارماشىلىق جوسپارلاردى جۇزەگە اسىرۋعا كومەكتەسۋ, كاسىبي شەبەرلىكتى ارتتىرۋ ءۇشىن جاعداي جاساۋ, حالىقارالىق جوبالاردى ىسكە اسىرۋعا جاردەمدەسۋ, قىزمەتكەرلەرگە الەۋمەتتىك قولداۋ كورسەتۋ جانە باسقارۋ جۇيەسىن جەتىلدىرۋگە ىقپال ەتۋ”, – دەپ ءتۇسىندىردى مينيسترلىك.

ايتا كەتەيىك, “استانا وپەرا” باسشىلىعىندا دا وزگەرىستەر بولدى. 11 ناۋرىزدا تەاتردىڭ جاڭا ديرەكتورى بولىپ الەكساندر سوۆوستيانوۆ تاعايىندالدى. مينيسترلىك كادرلىق وزگەرىستەردىڭ ءالى دە جالعاسۋى مۇمكىن ەكەنىن جوققا شىعارمايدى. سونداي-اق, تەاتردىڭ قارجىلىق تۇراقتىلىعىن ساقتاۋ ءۇشىن بيلەت باعاسىنا تۇزەتۋلەر ەنگىزىلۋى مۇمكىن.