نازارباەۆ ۋنيۆەرسيتەتىندە اقشا جىمقىرىلعانى راس پا?

فوتو:

عىلىم جانە جوعارى ءبىلىم ءمينيسترى ساياسات نۇربەك نازارباەۆ ۋنيۆەرسيتەتىندە اقشا جىمقىرىلعانى تۋرالى اقپاراتقا قاتىستى پىكىر ءبىلدىردى, دەپ حابارلايدى  qandastar.kz Dalanews.kz-كە سىلتەمە جاساپ.

ساياسات نۇربەكتىڭ ايتۋىنشا, ۋنيۆەرسيتەتتىڭ ەكس-رەكتورى شيگەو كاتسۋدىڭ 14 ميلليارد تەڭگەنى جىمقىردى دەگەن ايىپتاۋلارى شىندىققا جاناسپايدى. بۇل جونىندە وتكەن جىلى كۇردەلى تەكسەرۋ جۇرگىزىلگەن.

«ناتيجەلەرى بويىنشا جەكە ۇلكەن جوسپار قابىلداندى. قازىر بۇل جاعداي باقىلاۋدا. مەن كاتسۋ مىرزانىڭ مالىمدەمەسىنە تولىقتاي سايكەس كەلمەيتىنىن ايتا الامىن», – دەدى ساياسات نۇربەك.

ول شيگەو كاتسۋدىڭ مينيسترلىككە حابارلاسپاعانىن ايتتى.

«مۇنداي اقپاراتتار نەگىزىنەن كۇماندى ەۋروپالىق دەرەككوزدەردە جاريالانعان. مۇنى بىردە-ءبىر ابىرويلى باسىلىم جاريالاماعانى دا سۇراق تۋعىزادى. اۋديت بولدى, ءبىز ونىڭ ناتيجەلەرىمەن جۇمىس ىستەپ جاتىرمىز. ۇلكەن بەدەلگە قاۋىپ تونبەيدى دەپ سەنەمىن, ويتكەنى بۇل مالىمدەمەلەردىڭ قاي دەرەككوزگە جانە پلاتفورماعا جاريالانعانى ءوز الدىنا كۇماندى», — دەدى مينيستر.