نازارباەۆ ۋنيۆەرسيتەتىنىڭ ستۋدەنتى جاتاقحانانىڭ تەرەزەسىنەن قۇلاپ كەتتى

فوتو: 2GIS

نازارباەۆ ۋنيۆەرسيتەتىنىڭ ستۋدەنتى جاتاقحانانىڭ تەرەزەسىنەن قۇلاپ كەتتى. اقپاراتتى ۋنيۆەرسيتەت وكىلدەرى راستادى, دەپ جازدى qandastar.kz

بۇل تۋرالى Stan.kz اقپارات اگەنتتىگى حابارلايدى.

قايعىلى وقيعا 15 تامىزدا بولدى, بىراق اقپارات 19 تامىزدا عانا پايدا بولدى. جەلى قولدانۋشىلارى بويجەتكەننىڭ 22 جاستا ەكەنىن, ونىڭ 12-قاباتتان سەكىرىپ كەتكەنىن جازادى.

بەيرەسمي دەرەككوزدەر ءوز-وزىنە قول جۇمساۋعا جەكە قارىم-قاتىناستار سەبەپ بولۋى مۇمكىن دەيدى. ياعني وقۋ ورنىنىڭ ەش قاتىسى جوق.

ء«بىزدىڭ كامپۋس اۋماعىندا بولعان قايعىلى وقيعا تۋرالى وكىنىشپەن حابارلايمىز. ۋنيۆەرسيتەت مارقۇمنىڭ وتباسى مەن جاقىندارىنا كوڭىل ايتادى. ءبىز توتەنشە جاعدايلار قىزمەتى مەن قۇقىق قورعاۋ ورگاندارىن جۇمىلدىردىق. قازىر ستۋدەنتتەرگە دە, قىزدىڭ جاقىندارىنا دا پسيحولوگيالىق قولداۋ كورسەتىلىپ جاتىر», – دەپ ءتۇسىندىردى ۋنيۆەرسيتەت.

استانا پوليتسيا دەپارتامەنتى بۇل وقيعا بويىنشا قىلمىستىق ءىس قوزعالعانىن حابارلادى. پوليتسەيلەردىڭ مالىمەتىنشە, مارقۇم 22 جاستا جانە جاتاقحانانىڭ 12-قاباتىنان قۇلاپ مەرت بولعان.

«وقيعانىڭ بارلىق ءمان-جايىن انىقتاۋ بويىنشا جۇمىستار جۇرگىزىلىپ جاتىر», – دەپ اتاپ ءوتتى دەپارتامەنتتە.

ەسكە سالساق, بۇعان دەيىن ستۋدەنت قىز قازۇۋ رەكتوراتىنىڭ 14-قاباتىنان سەكىرىپ كەتكەن ەدى. ال ءبىر اي بۇرىن نازارباەۆ ۋنيۆەرسيتەتى جاتاقحاناسىنان ستۋدەنتتىڭ ءمايىتى تابىلعان ەدى.