Bilim
Nazarbaev zııatkerlik mektepterinde balalardy aqyly oqýǵa qabyldaý erejesi ózgerdi
Foto: ashyq derekkóz
Nazarbaev zııatkerlik mektepterinde balalardy aqyly oqýǵa qabyldaý erejesi ózgerdi, dep jazdy qandastar.kz
Joǵary aýdıtorlyq palata 2024 jylǵy shildede «Nazarbaev zııatkerlik mektepteri» derbes bilim berý uıymyna memlekettik aýdıt júrgizgen bolatyn. Nátıjesinde qarjy-sharýashylyq jáne uıymdastyrýshylyq máselelerge qatysty kemshilikter anyqtaldy.
Aýdıtorlardyń tekserisinen keıin buzýshylyqtardy joıý boıynsha birqatar shara qabyldady. Atap aıtqanda:
Taýarlardy, jumystar men kórsetiletin qyzmetterdi satyp alý qaǵıdalaryna ózgerister engizildi. Satyp alý sharttary men olardyń oryndalýy jónindegi qujattar satyp alýdyń resmı veb-portalyna ornalastyrylmaq. Tikeleı shart jasasý arqyly kitaptar men kórkem ádebıetterdi satyp alý tásili tolyǵymen alyp tastaldy; 
Qyzmetkerlerdiń shtat sanyn esepteý normatıvi ázirlenip, bekitildi; Sheteldik pedagogterdiń qyzmetin baǵalaý ólshemsharttary bekitildi;
Fılıaldarǵa sheteldik muǵalimderdi tartý shyǵyndarynyń esebi jańartyldy. Atap aıtqanda, bir sheteldik pedagogke turǵyn úıdi jalǵa alý alańynyń normalary belgilendi, bólme sany kórsetilýi tıis;
Aqyly negizde oqýǵa qabyldaý qaǵıdalaryna ózgerister engizildi. Endi oqýshylardy oqýǵa qabyldaý aldynda olardyń bilimin baǵalaýdyń mindetti rásimi qosyldy.
