نازارباەۆقا تيەسىلى رەسەيلىك بانك اقش-تىڭ سانكتسيالار تىزىمىنە ەنبەك

فوتو: اشىق دەرەككوز

قازاقستاننىڭ بۇرىنعى پرەزيدەنتى نۇرسۇلتان نازارباەۆقا تيەسىلى رەسەيلىك اتب بانكى اقش سانكتسيالارىنا ۇشىراۋى مۇمكىن. بۇل تۋرالى Stan.kz اقپارات اگەنتتىگى Nege.kz سايتىنا سىلتەمە جاساپ حابارلايدى.

قازىر رەسەيلىك 320 بانكتىڭ شامامەن 30% اقش-تىڭ قارجى مينيسترلىگىنىڭ شەتەلدىك اكتيۆتەردى باقىلاۋ بويىنشا باسقارماسىنىڭ شەكتەۋىنە ۇشىراعان. سايكەسىنشە بۇل ءتىزىم اي سايىن جاڭارتىلىپ وتىرادى.

«قازىرگى ۋاقىتتا اتب بانك سانكتسياعا ۇشىراعان جوق. بىراق جىلدىڭ سوڭىنا قاراي جاعداي وزگەرۋى مۇمكىن. اقش-تىڭ شەتەلدىك اكتيۆتەردى باقىلاۋ باسقارماسى رەسەيدەگى قارجى ينستيتۋتتارىن بۇعاتتاۋ ارەكەتتەرىن كۇشەيتىپ جاتىر», – دەلىنگەن باق حابارلاماسىندا.

جالپى رەسەيلىك «اتب بانك» بانكىنىڭ جاعدايى جامان ەمەس. ازيا-تىنىق مۇحيتى بانكى 2023 جىلى 8,18 ميلليارد رۋبل تازا تابىس تاپقان. بۇل 42,5 ميلليارد تەڭگە. بانك 2022 جىلدان بەرى مينۋستان شىققان.

نازارباەۆتىڭ رەسەيدەگى بانكى 2024 جىلدىڭ ءبىرىنشى توقسانىندا 2023 جىلدىڭ ءبىرىنشى توقسانىمەن سالىستىرعاندا ءۇش ەسە ارتىق تابىس تاپقان. بانك ءبىرىنشى توقساندى 1,6 ميلليارد رۋبل (8 ميلليارد 648 ميلليون 180 800 تەڭگە) پايدامەن جاپتى. جىلدىڭ اياعىنا دەيىن 10 ميلليارد رۋبل (54 ميللياردتان اسا) تابىس تابۋى ابدەن مۇمكىن.

كەزىندە بانكروت بولعان «اتب بانك» رەسەي ورتالىق بانكىنىڭ وڭالتۋ پروتسەدۋراسىنان ءوتىپ, 2021 جىلى وتكەن اۋكتسيوندا قازاقستاندىق «Pioneer Capital Invest» كومپانياسىنا 14 ميلليارد رۋبلگە, ياعني 75 ميلليارد 671 ميلليون 582 مىڭ تەڭگەگە ساتىلعان.

«Pioneer Capital Invest» كومپانياسىنىڭ قوجايىنى نۇرسۇلتان نازارباەۆ. ال سەنىمدى قارجىگەرى دانيار اكىشەۆ كومپانيانى باسقارادى.

2022-2023 جىلدارى بانك اكتسيونەرلەرىنە 8,5 ميلليارد رۋبل (46 ميللياردقا جۋىق) پايدا اكەلگەن. دەمەك كومپانيا 2024 جىلدىڭ اياعىندا ءوزىن ساتىپ الۋعا كەتكەن شىعىندى تولىعىمەن اقتايدى. 2025 جىلدان باستاپ وسى بيزنەس نازارباەۆقا جىلىنا 50 ميلليارد تەڭگە تازا كەش اكەلۋى مۇمكىن.