Nazarbaevqa tıesili reseılik bank AQSh-tyń sankııalar tizimine enbek

Foto: ashyq derekkóz

Qazaqstannyń burynǵy prezıdenti Nursultan Nazarbaevqa tıesili reseılik ATB banki AQSh sankııalaryna ushyraýy múmkin. Bul týraly Stan.kz aqparat agenttigi Nege.kz saıtyna silteme jasap habarlaıdy.

Qazir reseılik 320 banktiń shamamen 30% AQSh-tyń Qarjy mınıstrliginiń Sheteldik aktıvterdi baqylaý boıynsha basqarmasynyń shekteýine ushyraǵan. Sáıkesinshe bul tizim aı saıyn jańartylyp otyrady.

«Qazirgi ýaqytta ATB bank sankııaǵa ushyraǵan joq. Biraq jyldyń sońyna qaraı jaǵdaı ózgerýi múmkin. AQSh-tyń Sheteldik aktıvterdi baqylaý basqarmasy Reseıdegi qarjy ınstıtýttaryn buǵattaý áreketterin kúsheıtip jatyr», – delingen BAQ habarlamasynda.

Jalpy reseılik «ATB Bank» bankiniń jaǵdaıy jaman emes. Azııa-Tynyq muhıty banki 2023 jyly 8,18 mıllıard rýbl taza tabys tapqan. Bul 42,5 mıllıard teńge. Bank 2022 jyldan beri mınýstan shyqqan.

Nazarbaevtyń Reseıdegi banki 2024 jyldyń birinshi toqsanynda 2023 jyldyń birinshi toqsanymen salystyrǵanda úsh ese artyq tabys tapqan. Bank birinshi toqsandy 1,6 mıllıard rýbl (8 mıllıard 648 mıllıon 180 800 teńge) paıdamen japty. Jyldyń aıaǵyna deıin 10 mıllıard rýbl (54 mıllıardtan asa) tabys tabýy ábden múmkin.

Kezinde bankrot bolǵan «ATB Bank» Reseı Ortalyq bankiniń ońaltý proedýrasynan ótip, 2021 jyly ótken aýkıonda qazaqstandyq «Pioneer Capital Invest» kompanııasyna 14 mıllıard rýblge, ıaǵnı 75 mıllıard 671 mıllıon 582 myń teńgege satylǵan.

«Pioneer Capital Invest» kompanııasynyń qojaıyny Nursultan Nazarbaev. Al senimdi qarjygeri Danııar Ákishev kompanııany basqarady.

2022-2023 jyldary bank akıonerlerine 8,5 mıllıard rýbl (46 mıllıardqa jýyq) paıda ákelgen. Demek kompanııa 2024 jyldyń aıaǵynda ózin satyp alýǵa ketken shyǵyndy tolyǵymen aqtaıdy. 2025 jyldan bastap osy bıznes Nazarbaevqa jylyna 50 mıllıard teńge taza kesh ákelýi múmkin.