جاڭالىقتار
نازارباەۆتىڭ ءباسپاسوز حاتشىسى سارا الپىسقىزىنىڭ قازاسى تۋرالى اقپاراتتى جوققا شىعاردى
فوتو: nazarbayev.kz
بۇرىنعى پرەزيدەنت نۇرسۇلتان نازارباەۆتىڭ ءباسپاسوز حاتشىسى سارا الپىسقىزىنىڭ قايتىس بولعانى تۋرالى اقپاراتتى جوققا شىعاردى, دەپ جازدى qandastar.kz
بۇل تۋرالىStan.kz اقپارات اگەنتتىگى حابارلايدى.
14 مامىردا باق بەتتەرىندە سارا نازارباەۆا قايتىس بولدى دەگەن اقپارات تارادى. الايدا ايدوس ۇكىباي قازاقستاننىڭ بۇرىنعى ءبىرىنشى حانىمىنىڭ قازاسى تۋرالى اقپاراتتى جوققا شىعاردى.
«بۇقارالىق اقپارات قۇرالدارىنىڭ ساۋالىنا جاۋاپ رەتىندە قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ جۇبايى سارا الپىسقىزىنىڭ اۋرۋحانادا ەمدەلىپ جاتقانىن حابارلايمىن. ونىڭ قايتىس بولعانى تۋرالى اقپارات شىندىققا جاناسپايدى», – دەلىنگەن جازبادا.
ايتا كەتەيىك, بۇعان دەيىن سارا نازارباەۆانىڭ ۇلتتىق گوسپيتالدە اۋىر حالدە جاتقانى حابارلانعان ەدى. كەيىننەن ۇلتتىق گوسپيتال سارا نازارباەۆانىڭ سىرقاتىنا قاتىستى پىكىر بىلدىرگەن. اۋرۋحانا پاتسيەنتتىڭ دياگنوزىنا, دەنساۋلىق جاعدايىنا, ەمدەۋ ادىستەرىنە جانە ناتيجەلەرىنە قاتىستى باسقا اقپاراتتى, مەديتسينالىق قۇپيانى نەگىزگە الا وتىرىپ, جاريا ەتپەيتىنىن مالىمدەگەن.
