“نازارباەۆتىڭ ەكىنشى ايەلى” شقو-دا بيزنەستىڭ قانداي الەۋمەتتىك مىندەتتەمەسىن ورىنداپ وتىر?

فوتو: KazTag

بۇگىن «شىعىس قازاقستان وبلىسىنىڭ الەۋمەتتىك-ەكونوميكالىق دامۋى تۋرالى» تاقىرىبىندا كوشپەلى ءباسپاسوز ءماسليحاتى ءوتتى. شىعىس قازاقستان وبلىسىنىڭ اكىمى ەرمەك كوشەرباەۆ Kznews.kz ءتىلشىسىنىڭ «وڭىردەگى ءىرى تاۋ-كەن كاسىپورىندارى قانداي الەۋمەتتىك مىندەتتەمەلەردى ورىنداپ وتىر?» دەگەن ساۋالىنا “بارىس” قورىنىڭ اتقارىلعان جۇمىستارىن جىكتەي وتىرا جاۋاپ بەردى, دەپ جازدى qandastar.kz.

«بىزدە «بارىس» قوعامدىق قورى بار. بۇل قورعا وبلىس اكىمدىگى ءىرى ونەركاسىپتىك ءوندىرىس ورىندارىمەن جاساسقان مەموراندۋمعا سايكەس اقشا اۋدارىلادى. قوردا قور باسقارماسىنىڭ ءوزىنىڭ پراكتيكالىق كەڭەسى بار, بۇل قوعامدىق قور, ول شىعىنداردى قاي باعىتتا, نە ءۇشىن, ءبىرىنشى كەزەكتە نە جۇمساۋ كەرەكتىگىن انىقتايدى», — دەپ جاۋاپ بەردى ەرمەك كوشەرباەۆ.

«بارىس» قورىنىڭ يەسى ازاتتىق راديوسىنىڭ تەرگەۋىنە جانە بەيرەسمي دەرەكتەرگە قاراعاندا, نازارباەۆتىڭ ەكىنشى ايەلى گۇلنار راقىشەۆا بولىپ شىقتى. باستاپقىدا قوردىڭ قۇرىلتايشىسى رۋسلان رادمير ۇلى راقىشەۆ بولدى. تەگىنە قاراساق, بۇل گۇلناردىڭ اعاسى رادمير راقىشەۆتىڭ ۇلى. سونداي-اق شىعىس قازاقستان وبلىسىندا ورنالاسقان «بۇقتىرما تسەمەنت» كومپانياسىنىڭ ديرەكتورلار كەڭەسىنىڭ مۇشەسى بولدى.

وتكەن جىلى «ازاتتىق» راديوسى الەۋمەتتىك جەلىلەرگە شولۋ جاساپ, راقىشەۆانىڭ قازىر قازاقستاندا تۇراتىنىن جانە بىرنەشە كاسىپتىڭ يەسى ەكەنىن اتاپ ءوتتى. گۇلنار ورازقىزى — الماتى قالاسى, تولە بي كوشەسى, 40 ءۇي مەكەنجايىندا تىركەلگەن «فيرما شارم» سەرىكتەستىگىنىڭ يەسى. ونىڭ ءوزى كومپانيانىڭ ديرەكتورى رەتىندە كورسەتىلگەن.

1998 جىلى قۇرىلعان كومپانيا جىلجىمايتىن م ۇلىكتى جالعا بەرۋ جانە شاشتاراز قىزمەتتەرى سالاسىندا جۇمىس ىستەيدى. Statsnet دەرەكتەر بازاسىنا سايكەس, «فيرما شارمنىڭ» جىلدىق اينالىمى شامامەن 100 ميلليون تەڭگەنى قۇرايدى. گۇلنار راقىشەۆا — تاعى ءبىر تابىستى كومپانيا Sergio Group نەگىزىن قالاۋشىلاردىڭ ءبىرى. كومپانيانىڭ جىلدىق تابىسى ءتورت-التى ميلليارد تەڭگەنى قۇرايدى. Statsnet مالىمەتىنشە, بيىلعى جىلى جىلدىق قارجى اينالىمى 12 ميلليارد تەڭگەدەن استى. سەرىكتەستىكتىڭ استانالىق فيليالىنىڭ كىرىسى دە قوماقتى.

“ەنشىلەرگە” قاراپ, نازارباەۆتىڭ “ەكىنشى ايەلى” قانداي مىندەتتەمەلەردى ورىندايدى دەگەن ساۋال تۋىندايدى…