نازارباەۆتىڭ قاسىندا جۇرگەن ادامدار پەريزات قايراتتى پايدالانىپ كەتتى — اسقات اسىلبەكوۆ

فوتو: ينستاگرام

مەملەكەتتىڭ دامۋىنا ۇلەس قوسۋ ءۇشىن بيلىككە, تاققا تالاسۋدىڭ قاجەتى جوق. بۇل تۋرالى ساياساتتانۋشى, قوعام بەلسەندىسى, جۋرناليست اسحات اسىلبەكوۆ «Qasqa jol» كانالىنا بەرگەن سۇحباتى بارىسىندا ايتتى, دەپ حابارلايدى qandastar.kz

«30 جىل بويى قازاقستاندى كىم تونادى? قازاقستاندى توناعان – قازاقتار! ال مادەنيەتتى ادام ءوز حالقىن تونامايدى. ال ءبىزدىڭ وليگارحتار جىرتقىش سەكىلدى حالىقتى تونادى. ەندى بۇلاي جالعاسا بەرسەك, بىرىكپەسەك, 10 جىلدىڭ ىشىندە قازاقستان دەگەن مەملەكەتتەن ايىرىلىپ قالۋىمىز مۇمكىن. سەبەبى ءبىز ەگەمەندىكتى قادىرلەمەيمىز, ويتكەنى, سوعىسقان جوقپىز.

Skifnews.kz اقپارات پورتالىندا جازىلعانداي,  ۇكىمەت كواليتسيالىق بولۋى كەرەك. وسى ويدى توقاەۆ بىرنەشە رەت ايتتى. مەنىڭ ءبىر-اق عانا ارمانىم, ماقساتىم بار, ول – قازاقستاندى ەگەمەن مەملەكەت رەتىندە ساقتاپ قالۋ. ويتكەنى قاۋىپ كوپ, ءومىر وزگەردى, ەشقانداي كەپىل جوق. سول ءۇشىن ءبىز ەشقانداي ءتىل, ۇلتارالىق ماسەلەنى كوتەرمەۋىمىز كەرەك. ءبىزدىڭ جاۋلارىمىزعا سىلتاۋ بەرمەۋ كەرەكپىز. بىرىگۋ كەرەكپىز, ناعىز ينتەرنوتسيونالدى كوپ حالىقتى, ەتنوستى مەيىرىمدى حالىق بولۋ كەرەك. سوندا عانا كورشىلەرمەن ساۋدا جاساپ, تاتۋ-ءتاتتى تۇرۋعا بولادى», — دەدى اسحات اسىلبەكوۆ.

سونداي-اق, ول پەريزات قايرات كەيسىن العا تارتا وتىرىپ, ونى كىمدەر ساياسي ويىنشىققا اينالدىرعانىن ايتا ءوتتى.

«ءبىزدىڭ ەلىمىزدە ءتۇبى ساياسي جۇيە دۇرىس ەمەس. ماسەلەن پەريزات قايرات وقيعاسىن الايىق. مەنىڭ ويىمشا, ول جالعىز ءوزى وسىنشاما اقشانى جىمقىرا قويعان جوق. ونىڭ اينالاسىندا كەزىندە نازارباەۆپەن بىرگە جۇرگەن ءبىرشاما ازاماتتار بار. بىراق ولاردىڭ اتى ناقتى اتالعان جوق. مەنبۇل جەردە پەريزات قايراتتى اقتامايمىن, ارينە ول دا جەدى, ويتكەنى حالىقتىڭ اقشاسىنا نەبىر قىمبات كولىك پەن قىمبات دۇنيەلەردىڭ ارتىندا ءبىرشاما شىندىق جاتىر. بۇل ونىڭ رۋحاني جاعىنان بەيشارالىعىن كورسەتەدى. ول ناقتى نە ىستەپ جاتقانىن ءبىلىپ تۇرىپ, وسىنداي ارەكەتكە باردى دەپ ويلايمىن. مەن بۇل جەردە حالىققا قارنىم اشيدى, ۇنەمى وسىلاي قايىرىمدىلىققا ۇلەس قوسقىسى كەلىپ, بىراق ءىلىنىپ قالا بەرەدى. نەگىزىنەن قاراپايىم حالىقتىڭ جاعدايىن مەملەكەت جاساۋى كەرەك. قالاي جاسايدى? ول ارينە, زاڭ ارقىلى. ال ءبىزدىڭ زاڭ جۇيەسى كىمگە قىزمەت ەتەدى? ول وليگارحتارعا, كاپيتاليستىك بۋرجۋازياعا قىزمەت ەتەدى», — دەدى ول.