Nazarbaevtyń qory baqylaýyndaǵy banktyń rekordtyq tabysymen maqtandy

Foto: Mıhaıl Metel 

Nazarbaev qory baqylaýyndaǵy reseılik bank 2024 jyl úshin rekordtyq joǵary tabys týraly esep berdi, dep habarlaıdy qandastar.kz

2021 jyly «Nazarbaev qory» basqarýyna ótken «Azııa-Tynyq muhıt banki» (ATB) qarjylyq nátıjeler týraly esepti usyndy. Reseı Ortalyq bankiniń saıtynda ornalastyrylǵan derekter boıynsha, ATB ótken jyly 11,3 mıllıard rýbl taza paıda tapqan. Aǵymdaǵy baǵam boıynsha Qazaqstan valıýtasyna shaqqanda bul 59,2 mıllıard teńgeden asady.

Banktiń paıyzdyq tabysy 31,2 mıllıard rýbldi (162,4 mıllıard teńge) qurady. ATB-niń tabysy rekordty bolyp, sońǵy aıda 15,54% ósti.

Dalanews.kz jazǵandaı, sońǵy úsh jyl ishinde, ıaǵnı Nursultan Nazarbaevtyń qory bankke ıelik etken kezeńde, ol 19,88 mıllıard rýbl (103 mıllıardtan asa teńge) tapty.

ATB 2021 jyly Reseı Ortalyq banki fınans ınstıtýtyn saýdaǵa shyǵarǵannan keıin Qazaqstan eks-prezıdentiniń baqylaýyna ótti.

Satyp alýshy – «Nazarbaev qoryna» jáne eks-prezıdentpen baılanysty basqa uıymdarǵa tıesili «Pioneer Capital Invest» JShS boldy.

2024 jyly biz Nazarbaev bastamasymen qurylǵan kompanııa franýzdar baqylaýyna ótkenin jazǵanbyz.