نازارباەۆتىڭ وتباسى شەتەلدەگى سالتاناتتى كەشتە كوزگە ءتۇستى

فوتو: اشىق دەرەككوز

كانن قالاسىندا وتكەن Knights of Charityاتتى قايىرىمدىلىق كەشىندە قازاقستاننىڭ تۇڭعىش پرەزيدەنتى نۇرسۇلتان نازارباەۆتىڭ ۇلكەن قىزى داريعا نازارباەۆا, ۇلى تاۋمان نازارباەۆ جانە نەمەرەسى ءنۇرالى اليەۆ بوي كورسەتتى, دەپ حابارلايدى qandastar.kz Dalanews.kz-كە سىلتەمە جاساپ.

ايتا كەتەيىك, سول كەشتە كورشى ۇستەلدە ۇلىبريتانيا كورولدىك وتباسىنىڭ مۇشەسى سارا فەرگيۋسون, حانزادا ەندريۋدىڭ بۇرىنعى جۇبايى, حانشايىم بەاتريس پەن ەۆگەنيانىڭ اناسى قوناقتارمەن بىرگە كەشكى اس ءىشىپ وتىرعانى بايقالادى.

ء“ىس-شارا بارىسىندا قوناقتارعا ارنايى كاتالوگ ۇسىنىلىپ, ونداعى باعالى بۇيىمدار اۋكتسيون ارقىلى ساتىلىمعا شىعارىلدى. تۇسكەن قاراجات قايىرىمدىلىققا جۇمسالاتىنى ايتىلدى. ساۋداعا قويىلعان زاتتاردىڭ اراسىندا تانىمال سەربيالىق تەننيسشى اننا يۆانوۆيچكە تيەسىلى بولعان Rolexساعاتى دا بار”, — دەيدى Nege.kz تەلەگرام ارناسى.

كەشتە الەمگە ايگىلى يتاليالىق تەنور اندرەا بوچەللي ونەر كورسەتتى.

ەسكە سالايىق, بۇعان دەيىن نازارباەۆ استانانىڭ باس مەشىتىندە كوزگە تۇسكەن ەدى.

ۆيدەونى الەۋمەتتىك جەلىدەگى پاراقشاسىندا مەشىت ازانشىسى قۋانىش سەيىتحانوۆ جاريالادى. كادرلاردا نۇرسۇلتان نازارباەۆ كۇزەت قىزمەتكەرلەرىمەن بىرگە مەشىت ءىشىن ارالاپ جۇرگەنى كورىنەدى.

«21 ماۋسىمدا قر تۇڭعىش پرەزيدەنتى نۇرسۇلتان ءابىش ۇلى نازارباەۆ باس مەشىتكە كەلدى», — دەپ جازعان ول.

سونداي-اق, كادرلاردان نازارباەۆتىڭ مەشىتتەگى حالىقپەن تىلدەسكەنى دە كورىنەدى.

«امان بولىڭىز, دەنىڭىز ساۋ بولسىن! ءجۇز جاساڭىز!» — دەپ تىلەگەن حالىق ۆيدەودا.