Nazarbaevtyń otbasy sheteldegi saltanatty keshte kózge tústi

Foto: ashyq derekkóz

Kann qalasynda ótken Knights of Charityatty qaıyrymdylyq keshinde Qazaqstannyń tuńǵysh prezıdenti Nursultan Nazarbaevtyń úlken qyzy Darıǵa Nazarbaeva, uly Taýman Nazarbaev jáne nemeresi Nuráli Álıev boı kórsetti, dep habarlaıdy qandastar.kz Dalanews.kz-ke silteme jasap.

Aıta keteıik, sol keshte kórshi ústelde Ulybrıtanııa koroldik otbasynyń múshesi Sara Fergıýson, hanzada Endrıýdiń burynǵy jubaıy, hanshaıym Beatrıs pen Evgenııanyń anasy qonaqtarmen birge keshki as iship otyrǵany baıqalady.

“Is-shara barysynda qonaqtarǵa arnaıy katalog usynylyp, ondaǵy baǵaly buıymdar aýkıon arqyly satylymǵa shyǵaryldy. Túsken qarajat qaıyrymdylyqqa jumsalatyny aıtyldy. Saýdaǵa qoıylǵan zattardyń arasynda tanymal serbııalyq tennısshi Anna Ivanovıchke tıesili bolǵan Rolexsaǵaty da bar”, — deıdi Nege.kz telegram arnasy.

Keshte álemge áıgili ıtalııalyq tenor Andrea Bochellı óner kórsetti.

Eske salaıyq, buǵan deıin Nazarbaev Astananyń bas meshitinde kózge túsken edi.

Vıdeony áleýmettik jelidegi paraqshasynda meshit azanshysy Qýanysh Seıithanov jarııalady. Kadrlarda Nursultan Nazarbaev kúzet qyzmetkerlerimen birge meshit ishin aralap júrgeni kórinedi.

«21 maýsymda QR tuńǵysh prezıdenti Nursultan Ábishuly Nazarbaev bas meshitke keldi», — dep jazǵan ol.

Sondaı-aq, kadrlardan Nazarbaevtyń meshittegi halyqpen tildeskeni de kórinedi.

«Aman bolyńyz, denińiz saý bolsyn! Júz jasańyz!» — dep tilegen halyq vıdeoda.