نازارباەۆتىڭ تاعى ءبىر تۋىسى دۋبايداعى قىمبات پاتەردىڭ يەسى اتاندى

فوتو:Dalanews.kz

ەكس-پرەزيدەنت نۇرسۇلتان نازارباەۆتىڭ تاعى ءبىر تۋىسىنان دۋبايدان ەليتالىق پاتەر تابىلدى, دەپ حابارلايدى qandastar.kz Dalanews.kz-كە سىلتەمە جاساپ. 

520 ملن تەڭگەلىك پاتەر

«ۆىحود ك موريۋ» تەلەگرام ارناسىنىڭ مالىمەتىنشە, قازاقستاننىڭ بۇرىنعى پرەزيدەنتى نۇرسۇلتان نازارباەۆتىڭ تۋىسى اقمارال ەسپولوۆانىڭ دۋبايدا ەليتالىق Paramount Tower تۇرعىن ءۇي كەشەنىنەن پاتەر ساتىپ العانى بەلگىلى بولدى. اۋماعى 150 شارشى مەتر ءۇش بولمەلى پاتەر مەن 15 شارشى مەترلىك تەرراساسى بار جىلجىمايتىن م ۇلىك قازىر جەرگىلىكتى نارىقتا شامامەن 3,5 ملن ديرحامعا نەمەسە 520 ملن تەڭگەگە باعالانىپ وتىر.

كوپقاباتتى ءزاۋلىم عيمارات Paramount Tower Hotel & Residences 2021 جىلى دۋبايدىڭ بيزنەس-بەي اۋدانىندا قىتايدىڭ مەملەكەتتىك قۇرىلىس كورپوراتسياسى سالعان. عيماراتتىڭ 66 قاباتىنان 15–25-قاباتتار قوناقۇيگە, ال 26–63-قاباتتار ەليتالىق تۇرعىن ۇيلەرگە ارنالعان. ەڭ جوعارعى قاباتىندا باسسەين ورنالاسقان.

اقمارال ەسپولوۆا — اسەل قۇرمانباەۆانىڭ اپكەسى, ال اسەل نۇرسۇلتان نازارباەۆتىڭ جارى رەتىندە كوپشىلىككە بەلگىلى. اقمارال مەن اسەل — اكادەميك تلەكتەس ەسپولوۆتىڭ قىزدارى.

ايتا كەتەرلىگى, اكادەميك تلەكتەس ەسپولوۆتىڭ ۇلى ايدوس ەسپولوۆ ءبىر كەزدەرى نۇرسۇلتان نازارباەۆتىڭ ءىنىسى بولات نازارباەۆتىڭ قىزى گۇلميراعا ۇيلەنگەن. ولاردىڭ نۇرسايىن ەسىمدى ۇلى بار.

نۇرسايىن ەسپولوۆ كوپكە دەيىن كوپشىلىككە بەيتانىس تۇلعا بولعان. الايدا قاڭتار وقيعاسى كەزىندە ول اتاسىمەن بىرگە قىرعىزستان شەكاراسىنان وتپەك بولعاندا كوزگە ءتۇسىپ, جۋرناليستەر نازارىن اۋداردى. «وردا» باسىلىمى ءتىپتى ونىڭ توڭىرەگىندە نازارباەۆتار اۋلەتىنە «قوسىلۋ تەورياسىن» ۇسىنعان. الايدا نۇرسايىن — بولات نازارباەۆ پەن تلەكتەس ەسپولوۆتىڭ تۋعان نەمەرەسى. وسىلايشا, اكادەميك ەسپولوۆ نازارباەۆتار اۋلەتىمەن ەكى باعىتتا قۇدالاسىپ, ءوز وتباسىن ەليتالىق كلانعا كىرىكتىرگەن.

ەليتالىق اكتيۆتەرى بار, بىراق جۇمىس ىستەمەي تۇرعان بيزنەس

اقمارال ەسپولوۆا تۋرالى اشىق دەرەكتەر از. ول ءبىر كەزدەرى «ورتالىق ازيا وتىن-ەنەرگەتيكالىق كومپانياسى» اق-نىڭ 30%-عا جۋىق ۇلەسىنە يە بولعان. بۇل كومپانيادا بەلگىلى بيزنەسمەندەر الەكساندر كلەبانوۆ پەن سەرگەي كانمەن بىرگە ۇلەس يەلەنگەن. كەيىن ەنەرگەتيكالىق اكتيۆتەر قۇرىلىمى وزگەرىپ, ۇلەستەر قايتا بولىنگەن.

سونداي-اق, ەسپولوۆا استانادا تىركەلگەن YN LLC قۇرىلىس كومپانياسىنىڭ يەسى. الايدا سالىق تۇسىمدەرىنە قاراعاندا, كومپانيا ايتارلىقتاي بەلسەندى جۇمىس ىستەمەيدى.

اقمارال ەسپولوۆا بىرىككەن اراب امىرلىكتەرىنەن جىلجىمايتىن م ۇلىك يەلەنگەن جالعىز نازارباەۆ ەمەس. «ازاتتىق» راديوسى بۇعان دەيىن نازارباەۆ اۋلەتىنە تيەسىلى ونداعان ميلليارد تەڭگە تۇراتىن ۆيللالار مەن پاتەرلەر جايلى جازعان بولاتىن. دۋبايدان بولەك, وتباسى مۇشەلەرى ەلدىڭ وزگە امىرلىكتەرىنە دە ينۆەستيتسيا سالىپ جاتىر.

مىسالى, وتكەن جىلى تيمۋر ق ۇلىباەۆتىڭ يسپان كومپانياسى ابۋ-دابيدەگى جابىق Nudra Villas كەشەنىندە ليۋكس ۆيللا قۇرىلىسىن باستاعان. جوبانىڭ قۇنى شامامەن 24 ملن دوللاردى نەمەسە 10 ملرد تەڭگە.

اقش-تا ورنالاسقان حالىقارالىق قىلمىس پەن قاقتىعىستاردى زەرتتەيتىن كوممەرتسيالىق ەمەس ۇيىم — قورعانىس زەرتتەۋلەرىنىڭ پەرسپەكتيۆالىق ورتالىعىنىڭ ەسەبىنشە, دۋبايدا قازاقستان ازاماتتارىنا تيەسىلى جىلجىمايتىن م ۇلىكتىڭ جالپى قۇنى 1 ميلليارد دوللاردان اسادى. بۇل قازىرگى باعاممەن 550 ملرد تەڭگەگە تەڭ.