جاڭالىقتار
نازارباەۆتىڭ جيەنى قايدا جۇرگەنى بەلگىلى بولدى
ەكس-پرەزيدەنت نۇرسۇلتان نازارباەۆتىڭ جيەنى ءنۇرالى اليەۆ ۇلىبريتانيالىق ءانشى ەد شيراننىڭ كونتسەرتىندە توبە كورسەتىپ, كوپشىلىكتىڭ نازارىنا ىلىكتى, – دەپ حابارلايدى qandastar.kz Dalanews.kz-كە سىلتەمە جاساپ.
ساياحات بارىسىنداعى اسەرلەرىن اليەۆ الەۋمەتتىك جەلىدە جاريالادى. بەلگىلى بولعانداي, الەمدىك جۇلدىزدىڭ ءان كەشى وڭتۇستىك ازياداعى بۋتان كورولدىگىندە وتكەن.
ءنۇرالى اليەۆ كونتسەرتتەن بولەك, بۋتان كورولىمەن تۇسكەن سۋرەتىن دە ءبولىسىپ, تحيمپحۋ قالاسىندا تۇسىرىلگەن فوتولارىن جاريالاعان. سۋرەتتەردىڭ بىرىندە امانكورا قوناقۇيى كورىنىس تاپقان. اشىق دەرەككوزدەرگە سۇيەنسەك, بۇل قوناقۇي تاۋ باۋرايىنداعى ەڭ بەدەلدى اۋداندا, كورول رەزيدەنتسياسىنىڭ جانىندا ورنالاسقان.
الەۋمەتتىك جەلىدەن
جەلىگە جۇكتەلگەن فوتولاردا ءنۇرالىنىڭ جانىندا نەپالدىق كاسىپكەر نيرۆانا ءچاۋدحاريدىڭ جۇرگەنىن بايقاۋعا بولادى.
الەۋمەتتىك جەلىدەن
وسى ساپار تۋرالى وي ءبولىسىپ جاتقان ساراپشىلاردىڭ پىكىرىنشە, نازارباەۆ اۋلەتىنىڭ وكىلى ەمىن-ەركىن ەل ارالاپ ءجۇر. بىرقاتار تەلەگرام ارنالاردىڭ پايىمداۋىنشا, اليەۆ ەلگە ورالۋعا اسىقپايدى.
بۇعان دەيىن تانىمال بريتان ءجۋرناليسى جواننا ليلليس “قارا كولەڭكە” دەيتىن ەڭبەگىندە قاندى قاڭتارعا دەيىن ء«نۇرالى اتاسى مەن اناسىنىڭ قالقاسىنان (وپەكاسىنان) شىعىپ, اۋلەتتىڭ ساياسي دوميناتسياسىن ۇزارتۋ ميسسياسىن ءوز موينىنا الۋعا تاس-ءتۇيىن دايىن وتىرعانىن» جازعان بولاتىن.
كنب-نىڭ ەكس-توراعاسى امانگەلدى شابدارباەۆ تا وسى مالىمەتتى راستاپ, «داريعا بيلىكتى باسىپ الۋدى كوزدەدى» دەگەن پىكىر بىلدىرگەن.
Dalainside تەلەگرام ارناسىنا بەلگىلى بولعانداي, “شەتەل اسقان اكتيۆتى قايتارۋ تۋرالى” زاڭ كۇشىنە ەنگەلى اليەۆتىڭ PR قىزمەتى مەن شەتەل لوببيستەرى ءنۇرالىنىڭ ۇنامدى بەينەسىن قالىپتاستىرۋعا شۇعىل كىرىسكەن.
ماسەلەن بىلتىر: “نازارباەۆتىڭ نەمەرەسى جابايى تابيعاتتىڭ جاناشىرى. قار بارىسىنىڭ قامقورشىسى, ءتۇز تاعىسىن ساقتاپ قالۋعا ولشەۋسىز ۇلەس قوسقان ادام…” دەگەن باعىتتى كونتەنت كۇرت كوبەيگەن ەدى.
بىزدىڭشە, مۇنىڭ استارىندا ساياسي جانە قارجىلىق ستراتەگيا جاتىر. ءالتۋريستىڭ وبرازىن سومدايتىن ءنۇرالى وسى ارقىلى شەتەلدەگى اكتيۆىن زاڭداستىرا الادى ءارى سالىقتىق جەڭىلدىكتەرگە يە بولادى.
اليەۆتىڭ قازىرگى تۇرعىلىقتى مەكەنى اراب امىرلىكتەرى دەپ تۇسپالدايمىز. استانا اكىمىنىڭ ورىنباسارى بولعان تۇستا (2014-2016 ج) ءنۇرالى شەتەلدىك ينۆەستيتسياعا جاۋاپ بەرگەن. سول جىلدارى ابۋ-دابيدىڭ شەيحى ءال-ناقايانمەن ءجيى جۇزدەسكەن اليەۆ ءوزىنىڭ Capital Holding كومپانياسى ارقىلى ەميراتتاعى جىلجىمايتىن م ۇلىككە ينۆەستيتسيانى ءۇيىپ-توكتى دەۋگە نەگىز بار. Capital Holding بەرتىنگە دەيىن داڭقتى بوكسشى گەننادي گولوۆكينگە دەمەۋشى بولعانىن بىلەمىز.
