جاڭالىقتار
نازگۇل مەن قۇندىزعا سىيلانعان باسپانا وزگە ادامعا ساتىلىپ كەتكەن
فوتو: سكرين
تۇركىستان وبلىسىندا 17 جىل بويى قۇلدىقتا بولعان نازگۇل مەن قۇندىزعا سىيلانعان باسپانا وزگە ادامعا ساتىلىپ كەتكەن. بۇل تۋرالى جۋرناليست رۋسلان وتەپباي ءمالىم ەتتى, دەپ جازدى qandastar.kz
ايتا كەتەيىك, 2023 جىلدىڭ قىركۇيەك ايىندا ءىلياس ساريەۆ ەسىمدى بلوگەر جىگىت اپالى-ءسىڭىلى قىزدارعا باسپانا كىلتىن تابىستاعان.
جۋرناليست ءۇيدىڭ قۇرىلىسى قاشان بىتەتىنىن ءبىلۋ ءۇشىن الماتى وبلىسى قاراساي اۋدانى كەمەرتوعان اۋىلىنا بارىپ قايتقان.
اتالعان جەردەگى قۇرىلىسشىلار ءۇيدى مارسبەك دەگەن كىسىگە ساتىلعانىن جانە جوندەۋ بىتكەن سوڭ قوناقۇي بولاتىنىن ايتقان. كەينى رۋسلان وتەپباي Krisha.kz سايتىندا قۇندىز بەن نازگۇلگە بەرىلۋ ءتيىس باسپانا 45 ملن تەڭگەگە ساتىلىمعا شىعارىلعانىن انىقتادى.
«2022 جىلدىڭ جاز ايىندا ءىلياس ساريەۆ «ەلگە كومەك» قايىرىمدىلىق قورىنىڭ اتىنان الماتى وبلىسى, قاراساي اۋدانى, كەمەرتوعان اۋىلىنان 10 مۇقتاج جانعا تەگىن باسپانا بەرەمىز دەپ, ەلدەن ساداقا جيناعان.
كىمنىڭ ەسەپشوتىنا دەسەڭىزدەر, ايتايىن. الگى مم تراۆەلدىڭ يەسى اقتوتى بولاتقىزىنىڭ قالتاسى مايلانعان. «ەلدىڭ ءۇيى» دەگەن تاماشا اتتى يەلەنگەن باسپاناعا سەكۋند سايىن قالىڭ قازاق قوماقتى سومما سالعان», — دەپ جازدى ر.وتەپباي.
