Nazym Qaharman Bıshimbaevtyń alıment tóleýden bas tartqanyn aıtty

Foto: golos naroda

Qýandyq Bıshimbaevtyń otbasy balalaryna alıment tóleýden bas tartty. Bul týraly Bıshimbaevtyń burynǵy áıeli Nazym Qaharman málim etti, dep habarlaıdy qandastar.kz

Nazym Qaharman byltyr balalarynyń demalysyna jáne psıhologqa tólenbegenin aıtyp, buǵan qatysty barlyq túbirtekterdi jınap, advokat Ǵazymjanovqa joldaǵanyn málimdedi.

— Byltyr balalardyń demalysy da, psıholog qyzmeti de tólengen joq. Barlyq túbirtekterdi joldadym. Bir jarym jyldyń ishinde qomaqty soma jınaldy. Biraq advokatqa jibergenime qaramastan, ony elemeı qoıdy, deıdi Nazym.

Nazymnyń aıtýynsha, tek demalys pen psıholog qyzmeti emes, tipti dárigerge qaralý men dárýmen satyp alýǵa da aqsha bólinbegen. Sonymen qatar, 2020 jyly eks-kúıeýi Bıshimbaevpen ajyrasý kezinde kelisilgen alımentti de únemi eske salyp otyrýyna týra keletinin aıtady.

— Maǵan únemi eske salyp otyrýǵa týra keledi. Advokat Baıanǵa jaza beremin. Mysaly, búgin – 28 naýryz. Osy kúnge deıin naýryz aıynyń alımenti áli túsken joq. Olardy turaqty túrde aýdara bastaǵandary tek ótken jyldyń qarasha-jeltoqsan aılarynan bastap qana, dedi Nazym.

Nazymnyń beıneúndeýinde ekranda “30 naýryzda Bıshimbaevtar otbasynyń advokaty maǵan habarlasyp, alıment tóleýden tolyq bas tartqandaryn aıtty” degen jazba paıda boldy.