Nazym Qaharman: Bıshimbaevtyń múlkine ortaqtaspaýǵa kelistim

Áıtenovterden kóresini kórip, úsh balasymen úıinen qýylǵan Dana Áteshovanyń oqıǵasynan keıin qoǵamda otbasyndaǵy zorlyq-zombylyq, ajyrasý, bala qaýipsizdigi jaıly talqylar kóbeıe tústi, – dep habarlaıdy qandastar.kz kz.news-ke silteme jasap.

Bul taqyryptaǵy áńgime Qýandyq Bıshimbaevtyń soty aıaqtalǵannan keıin saıabyrlaǵandaı edi, qaıta qyzdy.

Máselen, sottalǵan eks-mınıstrdiń burynǵy áıeli Nazym Qaharman men marqum Saltanat Núkenovanyń aǵasy Aıtbek Amangeldi keshe áleýmettik jelide birlese tikeleı efır ótkizip, kópshilikti alańdatqan ózekti taqyryp jaıly oılaryn ortaǵa salyp, ajyrasqaly júrgen kelinshekterge ózin, balalaryn qorǵaýǵa kómekteser keńesterimen bólisti.

ÁIELGE BÁRI BI, BÁRI QOJA

Nazym Qaharmannyń pikirinshe, neke – eń áýeli seriktestik, er men áıeldiń ortaq jobasy. Sondyqtan otbasyn qurmaq buryn ekeýi bárin kelisip, materıaldyq, moraldyq máselelerdi tolyq talqylap alýy qajet.

– Ajyrasqan ýaqytta dúnıe-múliktiń teńdeı bólinýi – zańdylyq, bul álemdik tájirıbe. Alaıda bizdiń el buǵan áli jatyrqaı qaraıdy. Erkekter «Men tabys tabamyn, al sen úıde bos otyrsyń» dep shyǵa keledi.

Áıeldiń 9 aı bala kótergeni, bosanǵany, gormondyq, psıhologııalyq qıyndyqtardy bastan ótkizgeni qaıda qaldy? Onyń quny qalaı esepteledi? Balanyń ákege syılar baqytyn da aqshamen esepteı almaımyz.

Biraq álemdik tájirıbede er men áıeldiń otbasyndaǵy materıaldyq úlesinen bólek materıaldyq emes úlesi de esepke alynady. Bizge de osyndaı kózqaras kerek. Qazaq qoǵamynda áıelge qoıylar talap tym kóp.

Ol keremet jar, ıbaly kelin, úlgili ana bolyp qana qoımaı, jetinshi balasyn bosanǵan soń 40 kúnnen keıin model sııaqty symbatty bolýy qajet. Sol talaptardyń bárine saı kelip turǵan kúnde de úıde bos otyrsyń dep eńbegin qunsyzdandyrady, – deıdi Nazym.

DÚNIE-MÚLIK – MANIPÝLIaIIa QURALY

Efırde ajyrasqan soń tabysyn jasyryp, balalaryna alımentti eń tómengi mólsherlememen tóleýge tyrysatyn, keıde tipti soqyr tıyn da tólemeıtin ákeler máselesi de qozǵaldy.

«Qazir qaralyp jatqan zań jobasy boıynsha burynǵy kúıeýinen alıment alyp otyrǵan áıelder ár tıyn úshin esep berýi kerek. Máselen, 20 myń teńge alsa, sonyń 70 paıyzyn balalaryna, qalǵan 30 paıyzyn ózine jumsaýǵa quqyly. Iaǵnı, sen balalaryńdy saıabaqqa aparsań, ápergen ár balmuzdaǵyń úshin túbirtek jınap júrýge tıissiń degen sóz» , – deıdi Aıtbek Amangeldi.

Nazym Qaharmannyń aıtýynsha, tabysyn tómendetip kórsetý bylaı tursyn, dúnıe-múlkin áke-kókesiniń atyna jazý úrdisi keń beleń alyp barady. Mundaı jaǵdaı óz otbasynda da bolypty. Ol Bıshimbaevtyń anasynyń atyna jazylǵan bıznesinen qalaı aıyrylyp qala jazdaǵanyn aıtyp berdi.

«Múlik arqyly manıpýlıaııa jasaýǵa bolady. Qazaqstandaǵy kóp áıel sııaqty men de jubaıyma sendim. Meniń basqarýymdaǵy túngi klýb burynǵy enemniń atyna jazylǵan bolatyn. «Ajyrasatyn bolsań, klýbty qaıtar» dedi.

Bul da manıpýlıaııanyń bir túri. Qıturqylyqtarǵa nazar aýdarmaı, óz degenimdi istedim. Klýbty berdim, klıentter aldyndaǵy mindettemelerdi tóleýge týra keldi», — deıdi N.Qaharman.

Nazymnyń aıtýynsha, Bıshimbaevtyń otbasy jumysy dóńgelep turǵan klýbty qaıtaryp alý arqyly kek alýdy kózdegen.

«Men bul klýbqa 10 jylymdy jumsadym. Menshik máselesi – bılik júrgizý ádisi emes pe? Tartyp alam, al, ne isteısiń degendeı. Bul jerde ózińizdi qorǵaý mańyzdy, manıpýlıaııanyń jeteginde ketpeý kerek. Ol (Bıshimbaev – avt.)maǵan klýbty 8 aıdan keıin qaıtaryp berdi, óıtkeni ol balalardyń aldynda abyroıyn saqtap qalǵysy keldi», — deıdi ol.

AJYRASÝ TÝRALY ShART

Spıkerlerdiń pikirinshe, otbasyn qurmas buryn neke shartyn jasasý – ómir zańdylyǵy.

«Álemdik tájirıbede neke shartynda kúıeýi nemese áıeli jubaıyna opasyzdyq jasasa, psıhologııalyq zalal keltirse, qomaqty somada ótemaqy tóleýi qarastyrylǵan.

Bul óte durys. О́ıtkeni ajyrasqannan keıin áıeldiń kúıeýine arnaǵan qanshama jyl ýaqytyn eshkim qaıtaryp bermeıdi, jaralanǵan júreginiń, syr bergen densaýlyǵynyń ótemi bolýy kerek» deıdi Nazym Qaharman.

Sondaı-aq, ol Bıshimbaevpen ajyrasý kezinde balalar úshin jaýapkershilikti qalaı bóliskenderi týraly aıtyp berdi.

Nazym burynǵy jubaıynyń aktıvterin talap etpeýge ýáde beripti. Onyń ornyna Bıshimbaev balalardy kútip-baǵýǵa, olardyń bilimi men densaýlyǵyna aı saıyn jetkilikti deńgeıde tólem jasaýǵa kelisken.

«Aramyzda notarıaldy kýálandyrylǵan kelisim boldy. Onda aı saıyn belgili bir soma banktik shotqa jiberiletini aıtylǵan. Balalardyń 21 jasqa deıin bilim alýy, eger aqyly túrde oqıtyn bolsa – onyń moınynda.

Ol balalardyń densaýlyǵyna da jaýapty. Eger kenetten bireýi medıınalyq kómekke muqtaj bolsa, shyǵyndardy tolyq tóleıdi . Biz balalardyń demalysy jaıly da kelistik. Burynǵy kúıeýim jylyna bir ret olardy demalýǵa aparatyn», – dedi ol.

Nazym Qaharmanǵa mundaı kelisimge qol jetkizý ońaıǵa túspepti. Qujat úsh aı boıy talqylanǵan. Ol qazaq áıelderine ózin senimdi jáne qaýipsiz seziný úshin jubaılarymen notarıýs arqyly kelisimshart jasaýǵa keńes berdi.

«Ol kelisimshartqa balalarmen qarym-qatynasyna kedergi jasamaıtynym jóninde bir bólim qostyrdy. Árıne, zań júzinde meniń buǵan quqym joq.

Biz bul kelisimdi uzaq ýaqyt talqyladyq, keıbir tusynda kóp daýlastyq. Men múlkine ortaqtaspaýǵa, «shý shyǵarmaýǵa» kelistim, óıtkeni bul eshkimge qajet emes edi. Bul kelisim áli kúnge deıin saqtalyp keledi», — dep qaıyrdy ol.