جاڭالىقتار
نازىم قىزايباي پاريج وليمپياداسىنىڭ قولا جۇلدەگەرى اتاندى
فوتو: ۇوك
قازاقستاندىق بوكسشى نازىم قىزايباي پاريج وليمپياداسىنىڭ قولا جۇلدەگەرى اتاندى. بۇل تۋرالى Stan.kz اقپارات اگەنتتىگى حابارلايدى.
پاريج وليمپياداسىندا ەل نامىسىن قورعاعان نازىم قىزايباي فينالدىق باسەكەگە شىعا المادى. 50 كەلىدە جۇدىرىقتاساتىن وتانداسىمىز شيرەك فينالدا كولۋمبيا وكىلى ينگريت ۆالەنسيانى ۇتقانىمەن, جارتىلاي فينالدا قىتايلىق بوكسشى ۋ يۋيمەن جۇدىرىقتاسىپ, تورەشىلەردىڭ ءبىراۋىزدان شەشىمى بويىنشا ۇتىلىپ قالدى. وسىلايشا, نازىم قىزايباي پاريج وليمپياداسىنىڭ قولا جۇلدەگەرى اتاندى.
ايتا كەتەيىك, بوكستان قازاقستان ەرلەر قۇراماسىندا جالعىز نۇربەك ورالباي عانا فينالعا دەيىن جەتكەن بولاتىن. وكىنىشكە قاراي, قالعان بوكسشىلارىمىز جارىستى جۇلدەسىز اياقتادى.
