نازىم قىزايباي سپورتتاعى “اعالىق-كوكەلىك” جايلى اشىق ايتتى

فوتو: اشىق دەرەككوز

پاريج وليمپياداسىنىڭ قولا جۇلدەگەرى نازىم قىزايباي فينالعا شىعا الماۋ سەبەبىن دايىندىعىنىڭ از بولۋىمەن بايلانىستىردى. باسقا بوكسشىلارعا ۇزدىكتەر قاتارىنان كورىنۋگە نە كەدەرگى بولعانىنا قاتىستى ءوز ويىن جەتكىزدى. جاقىندا نازىم قىزايباي رەداكتسيامىزدا قوناقتا بولدى, اشىق سۇحبات بەردى. نازىمنان جەكە ءومىرى, تۇرمىس قۇرۋعا جوسپارى, سىياقىسىن نەگە جۇمسايتىنى تۋرالى سۇرادىق. ودان بولەك, سپورتتاعى داۋلى تاقىرىپتار مەن انگەلينا لۋكاسقا, وليمپيادادان بوكستى الىپ تاستاۋ ماسەلەسىنە قاتىستى ويىن بىلدىك, – دەپ جازادى qandastar.kz Stan.kz-كە سىلتەمە جاساپ.

نازىمنىڭ سوزىنشە, بوكسشىلاردىڭ ۇزدىكتەر قاتارىنان كورىنۋىنە بىرنەشە فاكتور اسەر ەتۋى مۇمكىن.

“بوكس – وليمپيادادا ەڭ ءبىرىنشى كەلىپ, ەڭ سوڭىندا كەتەتىن سپورت ءتۇرى. ءبىز ەكى اپتاداي جۇردىك. سوزىلىپ كەتتى. ول دا ءوز اسەرىن بەرۋى مۇمكىن. كەيبىر سپورتتا سپورتشىلاردىڭ قاتىسىپ جاتقانىنا قۋانسا, بىزدىكىلەر التىن كۇتەدى. سونداي دەڭگەيگە جەتىپ قالعان. جىلدان جىلعا قيىنداۋ بولىپ جاتىر. بۇعان دەيىن جەتكەن جەتىستىكتەردى ۇمىتىپ كەتەدى. الەم چەمپيوناتىندا ءتورت التىنمەن كەلدى ءبىزدىڭ جىگىتتەر. سول كەزدە ءبارى كوتەردى. بىراق بۇل جەردە باسقاشا بولدى. سولاي بۇيىرىپ تۇرعان شىعار. الدا وزگەرىستەر بولاتىن شىعار دەپ ويلايمىن”, – دەيدى نازىم قىزايباي.

نازىم تۇرمىس قۇرعان سوڭ سپورتتان كەتەتىنىن اشىق ايتتى.

“ەگەر سەن ءوز ادامىڭدى كەزدەستىرسەڭ, ەشتەڭەگە قاراماي شىعا سالاتىن سياقتىسىڭ. مەن سولاي ولايمىن. ءوز ادامىمدى كەزدەستىرمەگەن سوڭ, سپورت دەپ ءجۇرمىن. كۇيەۋگە شىققان سوڭ سپورتتى جالعاستىرمايمىن. كەيبىرەۋلەر بار, كۇيەۋگە شىعادى, قايتىپ كەلەدى. بالاسى بار قىزدار بار بىزدە. قيىن. تاڭداۋ جاساعان سوڭ, سولاي كەتۋ كەرەك”, – دەيدى سپورتشى.