Nazym Qyzaıbaı sporttaǵy “aǵalyq-kókelik” jaıly ashyq aıtty

Foto: ashyq derekkóz

Parıj olımpıadasynyń qola júldegeri Nazym Qyzaıbaı fınalǵa shyǵa almaý sebebin daıyndyǵynyń az bolýymen baılanystyrdy. Basqa boksshylarǵa úzdikter qatarynan kórinýge ne kedergi bolǵanyna qatysty óz oıyn jetkizdi. Jaqynda Nazym Qyzaıbaı redakııamyzda qonaqta boldy, ashyq suhbat berdi. Nazymnan jeke ómiri, turmys qurýǵa jospary, syıaqysyn nege jumsaıtyny týraly suradyq. Odan bólek, sporttaǵy daýly taqyryptar men Angelına Lýkasqa, olımpıadadan boksty alyp tastaý máselesine qatysty oıyn bildik, – dep jazady qandastar.kz Stan.kz-ke silteme jasap.

Nazymnyń sózinshe, boksshylardyń úzdikter qatarynan kórinýine birneshe faktor áser etýi múmkin.

“Boks – olımpıadada eń birinshi kelip, eń sońynda ketetin sport túri. Biz eki aptadaı júrdik. Sozylyp ketti. Ol da óz áserin berýi múmkin. Keıbir sportta sportshylardyń qatysyp jatqanyna qýansa, bizdikiler altyn kútedi. Sondaı deńgeıge jetip qalǵan. Jyldan jylǵa qıyndaý bolyp jatyr. Buǵan deıin jetken jetistikterdi umytyp ketedi. Álem chempıonatynda tórt altynmen keldi bizdiń jigitter. Sol kezde bári kóterdi. Biraq bul jerde basqasha boldy. Solaı buıyryp turǵan shyǵar. Alda ózgerister bolatyn shyǵar dep oılaımyn”, – deıdi Nazym Qyzaıbaı.

Nazym turmys qurǵan soń sporttan ketetinin ashyq aıtty.

“Eger sen óz adamyńdy kezdestirseń, eshteńege qaramaı shyǵa salatyn sııaqtysyń. Men solaı olaımyn. О́z adamymdy kezdestirmegen soń, sport dep júrmin. Kúıeýge shyqqan soń sportty jalǵastyrmaımyn. Keıbireýler bar, kúıeýge shyǵady, qaıtyp keledi. Balasy bar qyzdar bar bizde. Qıyn. Tańdaý jasaǵan soń, solaı ketý kerek”, – deıdi sportshy.