نازىم قىزايبايعا تاعى ءبىر جاڭا كولىكتىڭ كىلتى تابىستالدى (ۆيدەو)

فوتو: ۆيدەودان الىنعان كادر

پاريج وليمپياداسىنىڭ قولا جۇلدەگەرى نازىم قىزايبايعا تاعى ءبىر جاڭا كولىكتىڭ كىلتى تابىستالدى, دەپ حابارلايدى Skifnews.kz اقپارات پورتالى. 

ال اكەسى اباي قىزايباي مەن جەكە باپكەرى دولكۋنجان كامەنوۆكە ات مىنگىزىلدى.

بۇل تۋرالى رايىمبەك اۋدانىنىڭ اكىمدىگى حابارلادى.

«پاريج وليمپياداسىنىڭ قولا جۇلدەگەرى, جەرلەسىمىز نازىم ابايقىزى قىزايبايعا قۇرمەت كورسەتىلدى. ەلىمىزدىڭ داڭقىن الەمگە تانىتقان جاس سپورتشىعا رايىمبەك اۋدانى اكىمدىگىنىڭ ۇيىمداستىرۋىمەن, اۋداننىڭ اتقا مىنەر ازاماتتارىنىڭ قولداۋىمەن سۋ جاڭا Lixiang L7 اۆتوكولىگىنىڭ كىلتى تابىستالدى», – دەلىنگەن حابارلامادا.

اكىمدىك سپورتشىنىڭ اكەسى مەن باپكەرىن دە نازاردان تىس قالدىرماپتى.

«سونداي-اق, سپورت ساڭلاعىنىڭ اكەسى اباي قىزايباي مەن جەكە باپكەرى كامەنوۆ دولكۋنجان تۋرسۋنوۆيچكە دە قۇرمەت كورسەتىپ, ات مىنگىزدى. شارا سوڭى اۋدان ونەرپازدارىنىڭ ۇيىمداستىرعان كونتسەرتتىك باعدارلاماسىنا ۇلاستى», – دەپ جازدى اكىمدىكتىڭ ءباسپاسوز قىزمەتى.