Nazym Qyzaıbaıǵa taǵy bir jańa kóliktiń kilti tabystaldy (VIDEO)

Foto: Vıdeodan alynǵan kadr

Parıj Olımpıadasynyń qola júldegeri Nazym Qyzaıbaıǵa taǵy bir jańa kóliktiń kilti tabystaldy, dep habarlaıdy Skifnews.kz aqparat portaly. 

Al ákesi Abaı Qyzaıbaı men jeke bapkeri Dolkýnjan Kamenovke at mingizildi.

Bul týraly Raıymbek aýdanynyń ákimdigi habarlady.

«Parıj Olımpıadasynyń qola júldegeri, jerlesimiz Nazym Abaıqyzy Qyzaıbaıǵa qurmet kórsetildi. Elimizdiń dańqyn álemge tanytqan jas sportshyǵa Raıymbek aýdany ákimdiginiń uıymdastyrýymen, aýdannyń atqa miner azamattarynyń qoldaýymen sý jańa Lixiang L7 avtokóliginiń kilti tabystaldy», – delingen habarlamada.

Ákimdik sportshynyń ákesi men bapkerin de nazardan tys qaldyrmapty.

«Sondaı-aq, sport sańlaǵynyń ákesi Abaı Qyzaıbaı men jeke bapkeri Kamenov Dolkýnjan Týrsýnovıchke de qurmet kórsetip, at mingizdi. Shara sońy aýdan ónerpazdarynyń uıymdastyrǵan konerttik baǵdarlamasyna ulasty», – dep jazdy ákimdiktiń baspasóz qyzmeti.