«Ne túrimdi, ne únimdi tappaı qalsańyzdar, sebebi belgili»: Aqbota Kerimbekova daýly máselege núkte qoıdy

Foto: ashyq derekkóz

Ulttyq arnada bolatyn mýzykalyq jobalardaǵy máseleni kótergen Aqbota Kerimbekova úndeýine qatysty qorytyndy jasady. Bul týraly qandastar.kz Kznews.kz aqparat agenttigi habarlaıdy.

Aıta keteıik, mádenıet qaıratkeri ulttyq arna basshylyǵyna úndeý jasaǵan edi.

«Jeksenbi keshindegi «jekpe-jekke» de, mine, búgin 3 kún, 3 tún ótipti. Ulttyq arna arnaıy málimdeme jasady. Dınarajan araǵa pálen adam salyp, shaıǵa shaqyryp, tyńdaýymdy, túsinisýimdi surady. Men «Búgin balaǵattaǵan adammen ertesi dym bolmaǵandaı shaı iship otyra almaıdy ekenmin, biz halyq arasynda júrgenimizben, namysqoımyz!» dep jaýap berdim. Onymdy durys dep esepteımin. Basqarma tóraıymy Lazzat Tanysbaı da arnaıy kezdesýge shaqyrǵan eken. Oqıǵaǵa tikeleı qatysy bolmasa da, ultqa ortaq arnanyń tizginin ustap otyrǵannan keıin, máselede ult arnasynyń aty atalǵannan keıin beı-jaı qaraı almaǵany ǵoı, aman bolsyn!», – dep jazdy ánshi.

Sondaı-aq qoldaý bildirgen barsha oqyrman qaýymǵa alǵys bildirdi.

«Jalpy, meniń úndeýime, onyń aınalasyndaǵy men jarııalaǵan jazbalarǵa 20 myńǵa jýyq adamnyń reakııasy bildirilip, 5 myńǵa jýyq adamnyń pikiri toptasypty. О́z stories-terine bóliskenderdiń de sany 1000-dap sanalady. Bul degenimiz kóptiń kókeıinde júrgen telearna máselesine qoǵamdyq oı qozǵalǵanyn bildiredi. Deı turǵanmen, naqty sheshim, san-saqqa júgirgen oıǵa toqtam bolatyn nátıje kórmedim. Árkim óz túsingenimen oı qorytyp jatyr. Bolashaqta meni memlekettik arnalardan kóre almaı qalsańyzdar, ne únimdi, ne túrimdi telearna-radıolardan tappaı qalsańyzdar, onyń neniń sebebinen ekenin ishteı uǵa beresizder ǵoı!», – dedi óner ıesi.

Eske salaıyq, Aqbota Kerimbekova ulyna qysym kórsetilip jatqanyn aıtqan edi.