“نە ءۇشىن بەرۋىم كەرەك?”: قايىرىمدىلىق قوردىڭ باسشىسى ەمگە اقشا بەرمەيتىنىن ايتتى

فوتو: ۆيدەودان سكرين

الەۋمەتتىك جەلىدە qazaq_robin_hood لاقاپ اتىمەن تانىمال ءىلياس ساريەۆ وزىنە تاعىلعان ايىپتىڭ ءبارىن جالعانعا شىعاردى, دەپ جازدى qandastar.kz bugin.kz-كە سىلتەمە جاساپ.

بۇعان دەيىن «ەلگە كومەك” قايىرىمدىلىق قورىنىڭ باسى داۋعا قالعان ەدى. قازاقستاننىڭ ءار ايماعىنىنان ىلياسقا “الدانعاندار” الەۋمەتتىك جەلىدە ۆيدەو جاريالاعان. ال ءىلياس بۇل مالىمەتتىڭ ءبارىن جوققا شىعاردى.

“جاساعان جاقسىلىعىم كوپ قوي. ۇناماعان 4-5 ادامنىڭ اڭگىمەسى, مۇنىڭ ءبارى. اعايىن-تۋىسىنا ۇناماعان شىعارمىن. بىراق مەنىڭ ىستەپ جاتقان جۇمىستارىم وتە كوپ”- دەپ جاۋاپ بەردى قور جەتەكشىسى.

جۋرناليست گۇلميرا ابىقاي ءىلياستان اقشا الا الماعان تاعى ءبىر كەلىنشەكتىڭ ۆيدەوسىن كورسەتىپ, ەمنىڭ اقشاسىن نەگە بەرمەگەنىن سۇرادى.

“ول اقشانى نە ءۇشىن اۋدارۋىم كەرەك? وزىمدە تۇرادى اقشا. بالانىڭ ەمىنە ءالى ەشتەڭە ىستەلىپ جاتقان جوق. نە ءۇشىن اۋدارۋىم كەرەك?”, – دەپ جاۋاپ بەردى ءىلياس.