«نە ءۇشىن كەلەتىنىن ءتۇسىندىم». تانىمال اكتەر داۋرەن ايدارقۇلوۆ قىزىمەن دەمالىسى تۋرالى ايتتى

فوتو: instagram.com/daurenaidarkulov

تانىمال اكتەر داۋرەن ايدارقۇلوۆ كىشكەنتاي قىزىمەن بىرگە الاكولدە دەمالىپ جاتىر, – دەپ حابارلايدى Massaget.kz تىلشىسى.

بۇل تۋرالى اكتەر ءوزىنىڭ الەۋمەتتىك جەلىدەگى پاراقشاسىندا جازدى.

«الاكولگە ءبىرىنشى رەت كەلۋىم. تەك ەكىنشى كۇنى عانا مۇندا ادامدار نە ءۇشىن كەلەتىنىن ءتۇسىندىم. مۇنداعى سۋ باسقا. مۇلدەم باسقا», – دەدى ول الاكولدىڭ قارابالشىعىن جاعىپ, سۋىنا شومىلىر جۇرگەن سۋرەتىن جاريالاپ.

داۋرەن ايدارقۇلوۆ جازعى دەمالىسىن جالعىز وتكىزىپ جاتقان جوق. اكتەر الاكولدىڭ جاعاسىندا كىشكەنتاي قىزىمەن بىرگە جۇرگەنىن مالىمدەدى.

«قىزىم ءبىز دۋبايعا بارا جاتىرمىز دەپ ويلادى. ول جەردە ەشقاشان بولماعان. ءالى كۇنگە دەيىن ءوزىن دۋبايدامىن دەپ ويلايدى», – دەپ جازدى داۋرەن ايدارقۇلوۆ.