«نەگە ءبىز جاڭا ايەل الماۋىمىز كەرەك? ايەلدىككە تەك پاك قىزدى الامىن». قۋات حاميتوۆ اتا-انالارعا ۇل-قىزدارىن پاك ەتىپ تاربيەلەۋگە كەڭەس بەردى

فوتو: اشىق دەرەككوز

اتىشۋلى قازاقستاندىق فايتەر قۋات حاميتوۆ ۆەستنيك مما YouTube ارناسىنا بەرگەن سۇحباتىندا جەكە ءومىرى تۋرالى ءسوز ەتتى. سپورتشى ايەلدىككە تەك پاك قىزدى الامىن” دەگەن ويىنان اينىماعانىن جانە “جاقسى قىز” بەن “جامان قىزدىڭ” ايىرماشىلىعى ونىڭ پاكتىگىندە ەكەنىن مالىمدەدى, دەپ حزابارلايدى  Alash.kz ۇلتتىق پورتالى Stan.kz اقپارات اگەنتتىگىنە سىلتەپ.

ء“بىز جاقتا جىگىتتەر تاربيە كورگەن, كوشە كورگەن. ءتىپتى, بىزدە نەكە تۇنىنەن كەيىن اق جايمانى ءىلىپ قوياتىن سالت-ءداستۇر بار. جەرلەستەرىمىزدىڭ ءبىرى پاك قىزعا ۇيلەنبەسە, ءبىز ونىمەن ارالاسپاي قوياتىنبىز. ويتكەنى ول جىگىتكە لايىقسىز ءىس-ارەكەت جاسادى. ءبىز وسىلاي تاربيەلەندىك. ايەل – ەر ادامنىڭ ار-نامىسى, بەت-بەينەسى. سول سەبەپتى مەن ءالى دە بولسا ءوز ويىمنان اينىعان جوقپىن, اينىمايمىن دا. مەنى جەك كورىپ, بالاعاتتايتىندارعا, جاس قىزدار مەن اتا-انالارعا ايتارىم: ۇل-قىزدارىڭىزدى ارلى, پاك ەتىپ تاربيەلەڭىزدەر. ولار وزدەرىنىڭ ءىس-ارەكەتىنە جاۋاپ بەرە الاتىنداي بولۋى كەرەك. بۇل – “جاقسى قىز” بەن “جامان قىزدىڭ” ايىرماشىلىعىن كورسەتەتىن دۇنيە”, – دەيدى قۋات حاميتوۆ.

سونىمەن قاتار, قۋات حاميتوۆ ءار ادامنىڭ سۋ جاڭا كيىم كيىپ, سالوننان تۇلپار مىنگىسى كەلەتىنىن مىسالعا كەلتىرىپ, ايەلدىڭ ونداي دۇنيەلەردەن الدەقايدا قۇندى ەكەنىن ايتتى.

“نەگە ءبىز جاڭا ايەل الماۋىمىز كەرەك? ايەل – سۋ جاڭا كولىك پەن كيىم-كەشەكتەن الدەقايدا باعالى. سول سەبەپتى, بۇل ادامدارعا ۇناسىن-ۇنامسىن, بۇل قالىپتى نارسە. يسلامدا ەر ادامدارعا دا ايەلىنە پاك كۇيىندە بارۋ كەرەگىن ايتادى. وندايعا جىگىتتەر جولاماۋى ءتيىس. ويتكەنى بۇل سەنىڭ ۇرپاعىڭا اسەر ەتەدى. ەگەر ەركەك ءار ايەلگە بارسا ءتۇرلى اۋرۋ جۇقتىرادى. ونداي ينفەكتسيامەن تۋىلعان بالا اۋرۋ بولىپ دۇنيەگە كەلەدى. سونداىقتان اباي بولۋ كەرەك”, – دەيدى اتىشۋلى سپورتشى.