«Nege qaıta-qaıta qazaqsha suraq qoıa beresiń?»: Reseılik bapker qazaq jýrnalısine urysyp tastady

Foto: RFS

Búgin fýtboldan Qazaqstan ulttyq quramasynyń bas bapkeri Stanıslav Cherchesov Astanada alǵash ret baspasóz májilisin ótkizdi. Jıyn barysynda jýrnalıst Nursultan Qurmannyń qaıta-qaıta qazaqsha suraq qoıǵany reseılik mamanǵa unamaı qaldy, dep habarlaıdy Qaz365.kz.

Nursultan Qurman bastapqyda qazaqsha qoıǵan suraǵyn QFF prezıdenti Ádilet Barmenqulov orysshaǵa aýdaryp bergen. Al kezekti ret qazaqsha saýal tastaǵanda Stanıslav Cherchesov renishin aıtty.

«Nege oryssha qoımaısyz? Men qazir sizge óz ana tilim osetın tilinde jaýap bersem ne bolady? Biraq ol kezde eshkim túsinbeıdi. Osynyń aldynda qazaqsha saýalyńyzdy federaııa prezıdenti aýdaryp berdi, endi ol kisini qaıta-qaıta áýrelemeımin ǵoı. О́tinish jasaý birinshi ret tegin bolady, al keıinnen ondaı júrmeıdi», –  dedi reseılik bapker.

Aıta keteıik, Stanıslav Cherchesov buǵan deıin Vengrııa, Polsha chempıonattarynda klýbtardy jattyqtyrǵan. Reseı quramasynyń da tizginin ustaǵan. Byltyrdan beri jumyssyz júrgen edi. Jaqynda Qazaqstan ulttyq quramasynyń bas bapkeri Magomed Adıevti almastyrdy.