نەگە جىگىتتى قىز قاراتۋ كەرەك? ەركە ەسماحان قىزداردىڭ ويىنداعى ساۋالعا جاۋاپ بەردى

ونەر يەسى جەكە ءومىرى تۋرالى سىر شەرتىپ, كۇيەۋىنىڭ جۇرەگىن قالاي جاۋلاپ العانىن ايتتى, – دەپ جازادى Aikyn.kz.

ەركە ەسماحان Instagram-داعى پاراقشاسىنا كەلىپ تۇسكەن سۇراقتارعا جاۋاپ بەرىپ, كوپشىلىككە جان سىرىن اقتاردى.

وقىرمانداردىڭ ءبىرى انشىدەن «كۇيەۋىن قالاي قاراتىپ العانىن» سۇرايمىن دەپ ونى اشۋلاندىرىپ قويدى.

«قىزدار, نەگە وزدەرىڭىزدى وسىنشاما تومەن باعالايسىزدار? نەگە جىگىتتى قىز قاراتۋ كەرەك? مەيلى, ول جاس نەمەسە ۇلكەن, باي, سىمباتتى, اتاقتى, لاۋازىمدى ادام بولسىن. نەگە ءوز قۇندارىڭدى وزدەرىڭ تۇسىرەسىڭدەر? وسىنداي سۇراق قوياتىن قىزداردى ايايمىن. ءبىز 2018 جىلى تانىستىق, سويلەستىك. ارامىزدا سەزىم پايدا بولدى. ۋاقىت وتە ءبىر-بىرىمىزدەن الشاقتاعىمىز كەلگەن. بىراق ءبارىبىر اللا قالاپ, ەكەۋمىزدى قوسىپ, جانۇيا بولدىق. شۇكىر. بۇل ومىردە اللانىڭ قالاۋىنسىز ءبىر جاپىراق تا جەرگە ءۇزىلىپ تۇسپەيدى. سوندىقتان قىزدار, ميلارىڭىزدى بولمايتىن نارسەمەن تولتىرماي, «جۇگىرگەن جەتپەيدى, بۇيىرعان كەتپەيدى» دەپ باقىتتى ءومىر سۇرە بەرىڭدەر», – دەپ جازدى ول.

سونىمەن قاتار ەركە ەسماحان كۇيەۋى رايمنىڭ شىنايى ومىردە قانداي ادام ەكەنىن ايتتى.

«ۇلكەن ورتاعا بارعاندا رايم جابىلىپ قالادى. مەن كەرىسىنشە, اشىلامىن عوي, شىركىن. رايم ءوزىن ساحنادا سۋدا جۇزگەن بالىقتاي سەزىنەدى», – دەپ جازدى ونەر يەسى.