Nege jigitti qyz qaratý kerek? Erke Esmahan qyzdardyń oıyndaǵy saýalǵa jaýap berdi

О́ner ıesi jeke ómiri týraly syr shertip, kúıeýiniń júregin qalaı jaýlap alǵanyn aıtty, – dep jazady Aikyn.kz.

Erke Esmahan Instagram-daǵy paraqshasyna kelip túsken suraqtarǵa jaýap berip, kópshilikke jan syryn aqtardy.

Oqyrmandardyń biri ánshiden «kúıeýin qalaı qaratyp alǵanyn» suraımyn dep ony ashýlandyryp qoıdy.

«Qyzdar, nege ózderińizdi osynshama tómen baǵalaısyzdar? Nege jigitti qyz qaratý kerek? Meıli, ol jas nemese úlken, baı, symbatty, ataqty, laýazymdy adam bolsyn. Nege óz qundaryńdy ózderiń túsiresińder? Osyndaı suraq qoıatyn qyzdardy aıaımyn. Biz 2018 jyly tanystyq, sóılestik. Aramyzda sezim paıda boldy. Ýaqyt óte bir-birimizden alshaqtaǵymyz kelgen. Biraq báribir Alla qalap, ekeýmizdi qosyp, januıa boldyq. Shúkir. Bul ómirde Allanyń qalaýynsyz bir japyraq ta jerge úzilip túspeıdi. Sondyqtan qyzdar, mılaryńyzdy bolmaıtyn nársemen toltyrmaı, «júgirgen jetpeıdi, buıyrǵan ketpeıdi» dep baqytty ómir súre berińder», – dep jazdy ol.

Sonymen qatar Erke Esmahan kúıeýi Raımnyń shynaıy ómirde qandaı adam ekenin aıtty.

«Úlken ortaǵa barǵanda Raım jabylyp qalady. Men kerisinshe, ashylamyn ǵoı, shirkin. Raım ózin sahnada sýda júzgen balyqtaı sezinedi», – dep jazdy óner ıesi.