نەمەرەسىنە قارايتىن اتا-اجەلەر مەملەكەتتەن تولەم الادى

فوتو: اشىق دەرەككوز

شۆەتسيادا نەمەرە باققان اتا-اجەلەر جاردەماقى الىپ جاتىر. بۇگىندە مەملەكەتتەن تولەنەتىن قارجىنى 1500 ادام الىپ ۇلگەرگەن. بۇل تۋرالى qandastar.kz Stan.kzاقپارات اگەنتتىگىنە سىلتەمە جاساپ حابارلايدى.

اتالعان زاڭ جازدا كۇشىنە ەنگەن. جاڭاشىلدىققا سايكەس اتا-انالار وزدەرىنىڭ 45 كۇنگە دەيىنگى اقىلى دەمالىسىن بالانىڭ رەسمي قامقورشىسى ەمەس ادامدارعا اۋدارا الادى. مىسالى, بۇل اتا-اجەلەرى بولۋى مۇمكىن.

ەگەر اتا-انا جالعىزباستى بولسا, ولار 480 كۇن اقىلى دەمالىستىڭ 90 كۇنىن باسقا جانعا بەرە الادى. بارلىق اكىمشىلىك شارالاردى شۆەتسيانىڭ الەۋمەتتىك ساقتاندىرۋ اگەنتتىگى جۇرگىزەدى. بۇل زاڭ, اسىرەسە, جۇمىسباستى وتباسىلارعا ۇلكەن كومەك دەيدى ەل بيلىگى. ال تولەم ماسەلەسىمەن شۆەتسيانىڭ الەۋمەتتىك ساقتاندىرۋ اگەنتتىگى اينالىسادى. اگەنتتىك وكىلىنىڭ ايتۋىنشا, جاڭا زاڭ جەكە ءومىر مەن جۇمىس اراسىنداعى بالانستى ساقتاۋعا باعىتتالعان.

ء“بىزدىڭ ويىمىزشا, بۇل شارا بارلىق ەۋروپاعا ۇلگى بولادى. وسىلايشا جاستاردى ەڭبەك نارىعىندا قالىپ ءارى بالالى بولۋعا ىنتالاندىرامىز”, – دەدى الەۋمەتتىك قامسىزداندىرۋ ءمينيسترى اننا تەنە.