Nemeresine qaraıtyn ata-ájeler memleketten tólem alady

Foto: ashyq derekkóz

Shveııada nemere baqqan ata-ájeler járdemaqy alyp jatyr. Búginde memleketten tólenetin qarjyny 1500 adam alyp úlgergen. Bul týraly qandastar.kz Stan.kzaqparat agenttigine silteme jasap habarlaıdy.

Atalǵan zań jazda kúshine engen. Jańashyldyqqa sáıkes ata-analar ózderiniń 45 kúnge deıingi aqyly demalysyn balanyń resmı qamqorshysy emes adamdarǵa aýdara alady. Mysaly, bul ata-ájeleri bolýy múmkin.

Eger ata-ana jalǵyzbasty bolsa, olar 480 kún aqyly demalystyń 90 kúnin basqa janǵa bere alady. Barlyq ákimshilik sharalardy Shveııanyń Áleýmettik saqtandyrý agenttigi júrgizedi. Bul zań, ásirese, jumysbasty otbasylarǵa úlken kómek deıdi el bıligi. Al tólem máselesimen Shveııanyń áleýmettik saqtandyrý agenttigi aınalysady. Agenttik ókiliniń aıtýynsha, jańa zań jeke ómir men jumys arasyndaǵy balansty saqtaýǵa baǵyttalǵan.

“Bizdiń oıymyzsha, bul shara barlyq Eýropaǵa úlgi bolady. Osylaısha jastardy eńbek naryǵynda qalyp ári balaly bolýǵa yntalandyramyz”, – dedi áleýmettik qamsyzdandyrý mınıstri Anna Tene.