«نەمولچي» قورىنىڭ باسشىسى دينا ءتاڭسارى اۋرۋحاناعا ءتۇستى

فوتوكوللاج: Azattyq Rýhy / ابىلقاسىم ەسەنتاەۆ

زورلىق-زومبىلىققا ۇشىراعان ايەلدەر مەن بالالاردىڭ جانايقايىن بۇقاراعا جەتكىزىپ, قول ۇشىن سوزىپ جۇرگەن «نەمولچيKZ» قورىنىڭ پرەزيدەنتى دينا ءتاڭسارىنىڭ جۇرەك تالماسى ۇستاپ, دەنساۋلىعى ناشارلاپ كەتتى, دەپ حابارلايدى qandastar.kz Azattyq Ruhy سايتىنا سىلتەمە جاساپ. 

«دينانى جۇرەك تالماسىمەن ءدال قازىر اۋرۋحاناعا اپارا جاتىر. سوڭعى جيىرما كۇندە دينادا ەكى رەت جۇرەك تالماسى ۇستادى: 9 تامىزدا جانە 25 تامىزدا تاعى قايتالاندى. قىزدىڭ ىسىنە جانە قورعا تۇسكەن جۇكتەمەگە بايلانىستى, لاس اڭگىمەلەر مەن ايىپتاۋلار وتە كوپ. بىراق وسى جولى جۇرەك تالماسى تۋرا ءبىر ساعاتقا سوزىلدى. قالادان دارىگەر تاپپاي, قارجىلىق مۇمكىندىگىمىز بولماعاندىقتان ەم الا المادىق, اۋرۋدى ۇيدە باسۋعا تۋرا كەلدى. جەدەل جاردەم قىمبات ءارى بوسقا شاقىراتىن ەدىك», – دەيدى قورداعىلار.

24 تامىز كۇنى دينا ءتاڭسارى تەراپەۆتىڭ قابىلداۋىندا بولعان, دارىگەر جۇرەگى اۋىراتىنىن انىقتاپ, قىركۇيەكتىڭ ورتاسىنا كارديولوگقا جازعان. دارىگەرلەردىڭ باسقا بوس ۋاقىتى بولماعان. بىراق 25 تامىزدا جۇرەك تالماسى ۇستاعاندىقتان, قىركۇيەككە دەيىن كۇتۋ قاۋىپتى دەپ شەشكەن.

«بۇگىن دەنساۋلىعى ناشارلاپ كەتتى, باسقا قالاعا بارۋعا تۋرا كەلدى. سەبەبى چەرنوگوريادا ماماندار تىم از, قازىر كوبى ەڭبەك دەمالىسىندا. سوندىقتان كارديولوگتى باسقا قالادان تاپتىق», – دەپ جازعان قور وكىلدەرى.

قور قايىرىمدى جانداردان قارجىلاي قولداۋ كورسەتۋدى سۇراپ وتىر.