«NeMolchı» qorynyń basshysy Dına Tańsári aýrýhanaǵa tústi

Fotokollaj: Azattyq Rýhy / Ábilqasym Esentaev

Zorlyq-zombylyqqa ushyraǵan áıelder men balalardyń janaıqaıyn buqaraǵa jetkizip, qol ushyn sozyp júrgen «NeMolchıKZ» qorynyń prezıdenti Dına Tańsáriniń júrek talmasy ustap, densaýlyǵy nasharlap ketti, dep habarlaıdy qandastar.kz Azattyq Ruhy saıtyna silteme jasap. 

«Dınany júrek talmasymen dál qazir aýrýhanaǵa apara jatyr. Sońǵy jıyrma kúnde Dınada eki ret júrek talmasy ustady: 9 tamyzda jáne 25 tamyzda taǵy qaıtalandy. Qyzdyń isine jáne qorǵa túsken júktemege baılanysty, las áńgimeler men aıyptaýlar óte kóp. Biraq osy joly júrek talmasy týra bir saǵatqa sozyldy. Qaladan dáriger tappaı, qarjylyq múmkindigimiz bolmaǵandyqtan em ala almadyq, aýrýdy úıde basýǵa týra keldi. Jedel járdem qymbat ári bosqa shaqyratyn edik», – deıdi qordaǵylar.

24 tamyz kúni Dına Tańsári terapevtiń qabyldaýynda bolǵan, dáriger júregi aýyratynyn anyqtap, qyrkúıektiń ortasyna kardıologqa jazǵan. Dárigerlerdiń basqa bos ýaqyty bolmaǵan. Biraq 25 tamyzda júrek talmasy ustaǵandyqtan, qyrkúıekke deıin kútý qaýipti dep sheshken.

«Búgin densaýlyǵy nasharlap ketti, basqa qalaǵa barýǵa týra keldi. Sebebi Chernogorııada mamandar tym az, qazir kóbi eńbek demalysynda. Sondyqtan kardıologty basqa qaladan taptyq», – dep jazǵan qor ókilderi.

Qor qaıyrymdy jandardan qarjylaı qoldaý kórsetýdi surap otyr.