«Nesıe alǵyzyp, sodan keıin óltirip tastaǵan»: 18 jastaǵy boıjetkendi óltirgenderge úkim shyqty

Foto: nemolchikz_official

6 naýryz kúni kúdikti eki jigit ortaq tanystary arqyly jábirlenýshi qyzben tanysqan. Ortaq tanystary olardan qyzǵa turatyn jer taýyp berýdi suraǵan. Olar Almatyda páter jaldaǵan, dep habarlaıdy qandastar.kz  Skifnews.kz aqparat portalyna silteme jasap. 

Bir kún birge turǵannan keıin, kelesi kúni jalǵa alǵan páterdiń aqysyn tóleıtin aqshalary taýsylǵan. Sottalýshy K jábirlenýshini «iPhone13 Pro» telefonyn komıssııalyq dúkenge ótkizýge kóndirgen. Telefondy keıin qaıta alyp berýge ýáde bergen.

Alǵan aqsha tez taýsylǵan soń kúdikti jigitter marqum qyzdy 435 myń teńge nesıe alýǵa kóndirgen. 12 naýryzda olar telefondy qaıta satyp alyp, 240 myń teńgege satyp jibergen. Biraq bul týraly marqumǵa aıtpaǵan.

Marqum birneshe ret telefonyn qaıtarýdy suraǵan. Biraq jigitter telefondy qaıtarmas úshin, nesıesin tólemes úshin, qyzdan qutylýdy jón kórgen.

«15 naýryz kúni túnde sottalýshylar jábirlenýshini úıine aparamyz dep, bári birge jolǵa shyqqan. Túngi saǵat 02:00 shamasynda Qonaev – Qazaqstan avtojolynyń 36-shy shaqyrymyna jetkende dalaǵa burylǵan. Sottalýshylar kezekpen-kezek marqumdy taıaqpen uryp, benzın quıyp, órtep jibermek bolǵan. Sodan keıin oqıǵa ornynan ketip qalǵan», – dedi sot otyrysynda.

18 jastaǵy stýdent alǵan jaraqattan sol jerde jan tásilim etken.

Sot eki jigitti 17 jylǵa bas bostandyǵynan aıyrdy.

Úkim zańdy kúshine endi.