NESIE ALÝDAN ERIKTI TÚRDE BAS TARTÝǴA BOLADY

О́tken jyly elimizde 20 myńnan asa qarjylyq alaıaqtyq deregi tirkelgen. Olar ańqaýlardy aldap, quryǵyna túsirý úshin IT tehnologııanyń zamanaýı ádisterin qoldanǵan. Tanymal bankter men qarjy uıymdarynyń atyn jamylǵandarǵa ásirese egde jastaǵylar tez senip qalady. Oǵan qarsy turý úshin E-gov saıtynda nemese E-gov mobile qosymshasyndaǵy nesıeden erikti túrde bas tartý qyzmetine júgingen jón. Bul týraly elimizdiń Qarjy naryǵyn retteý jáne damytý agenttiginiń mamandary habarlady. Qazir bul qyzmet túri halyqtyń bárine birdeı qoljetimdi. Shekteýdi alty aı merzimge qoıýǵa bolady. Bul jarty jyl nesıe ala almaısyz degendi bildirmeıdi. Ony kez kelgen ýaqytta alyp tastaýǵa múmkindik bar. Qazir shekteý ýaqytyn uzartý joldary qarastyrylyp jatyr. Oǵan qosa, alaıaqtyq operaııalar boıynsha derekter jınaıtyn antıfrod ortalyǵynyń biryńǵaı bazasyn qurý josparlanǵan. Muhammed Baǵdatuly, QR Qarjy naryǵyn retteý jáne damytý agenttiginiń bas mamany: — Iaǵnı siz erikti túrde stop kredıtke qol qoıatyn bolsańyz. Onda eshqandaı aqparat onyń ishinde kredıttik tarıh týraly aqparat tolyǵymen eshqaı jerge berilmeıdi. Iaǵnı ol qorǵaýly bolady. Mıkroqarjylyq mekemeler bolsyn, 2 deńgeıli bankter bolsyn sizdiń qarjylyq aqparatyńyzdy bile almaıdy. Sebebi ol zańdy túrde memleket tarapynan qorǵalady.