Nesıe berýge qatysty jańa ereje qandaı jáne qashan bekitiledi?

Foto: ashyq derekkóz

Ashyq NQA» portalynda jeke tulǵaǵa banktik qaryz nemese mıkrokredıt berýge jubaıynyń (zaıybynyń) kelisimin alý qaǵıdalaryn bekitý týraly qaýlynyń jobasy jarııalandy, – dep habarlaıdy korrespondent Tengrinews.kz.

Jubaıynyń kelisiminsiz nesıe alýǵa tyıym 2024 jyldyń 1 qyrkúıeginen bastap kúshine enedi.

Nesıe mólsheri

1000 eselengen aılyq eseptik kórsetkish (AEK) jáne odan da kóp mólsherde nesıe alý úshin jubaıynyń kelisimin alý qajet bolady. 2024 jyly bul – shamamen 3,7 mıllıon teńge.

Ruqsat qalaı rásimdeledi?

Nesıe alýǵa jubaıynyń ruqsaty qaǵaz túrinde de, elektron túrde de berilýi múmkin.

Qaǵaz túrinde resimdelgen kelisimge qaryz alýshynyń jubaıy nemese notarıaldy kýálandyrylǵan senimhat negizinde áreket etetin onyń ýákiletti ókili qol qoıady.

Elektron túrde resimdeletin kelisim kredıt beretin uıymnyń (bank nemese mıkroqarjy uıymy) baǵdarlamalyq qamtamasyz etýi arqyly ne E-gov portaly arqyly beriledi. Bul jaǵdaıda bıometrııalyq sáıkestendirý qajet.

Elektron túrde berilgen kelisimdi qaryz alýshynyń jubaıy osyndaı kelisimdi alǵan kúnnen bastap 48 saǵat ishinde elektrondyq ıfrlyq qoltańba (EQ) arqyly kýálandyrady.

Ruqsatta ne kórsetilýi kerek?

Nesıe ruqsatynda mynalar kórsetilýi kerek:

• rásimdelgen kúni;
• ruqsat berilgen tulǵa týraly málimetter: tegi, aty, ákesiniń aty (bar bolsa), JSN;
• nesıe týraly málimetter: somasy, merzimi, paıyzdyq mólsherlemesi.

Qaýly jobasy 10 shildede jarııalanyp, 24 shildege deıin talqylanady.