Jańalyqtar
Nesıesi keshirilgen qazaqstandyqtar taǵy da qaryz astynda qaldy
![](https://qandastar.kz/wp-content/uploads/2024/03/IMG_4159-780x405.jpeg)
2019 jyly nesıesi keshirilgen qaryz alýshylardyń kóp bóligi taǵy nesıe alǵan. Bul týraly Qarjy naryǵyn retteý jáne damytý agenttiginiń tóraǵasy Mádına Ábilqasymova Májilis kýlýarynda aıtty
Jýrnalıster spıkerden «Nesıe amnıstııasynan keıin taǵy qaryz alǵan adamdardyń sany týraly aqparat bar ma?» dep surady.
«Biz bul jaǵdaıǵa taldaý júrgizdik. 2019 jyly nesıe amnıstııasyna qatysqan qaryz alýshylardyń kóp bóligi taǵy nesıe alǵan. Onyń ishinde jartysynda problemalyq qaryzy bar. Sondyqtan bul azamattardyń tólem qabilettiligine qatysty durys baǵa berýmen baılanysty. Búgingi zań jobasy nesıe berýdiń standarttaryn kúsheıtýge, sonymen qatar problemalyq qaryzǵa ıe bolǵan boryshkerlerdiń qaryz boryshtaryn azaıtýǵa baǵyttalady», – dedi agenttik tóraǵasy.