الەم جاڭالىقتارىمادەنيەت
Netflix-تەگى جوبا اۆتورلارى جوشى حان تۋرالى سەريال تۇسىرەدى
فوتو: كوللاج Ulysmedia
بۇگىندە ستسەناري جازىلىپ بىتكەن. ءتۇسىرىلىم ورىندارى تابىلدى. كاستينگ ءجۇرىپ جاتىر. جاقىنارادا ءتۇسىرىلىم جۇمىستارىن باستاۋ جوسپارلانىپ وتىر. شىعارماشىلىق توپ مەملەكەتتىك كەڭەسشى ەرلان قارينمەن جەكە كەزدەسىپ, التىن وردانىڭ نەگىزىن قالاۋشى حان جوشى تۋرالى شاعىن سەريالدىڭ الداعى ءتۇسىرىلىمىن تالقىلادى, دەپ جازادى qandastar.kz
Karga Seven Pictures پروديۋسەرلىك ورتالىعىنىڭ مالىمەتىنشە, ستسەناريدى دايىنداۋعا دجاستين پوللارد («ۆيكينگتەر») جانە كلەر مورسۋم («وۋتلوۋ كينگ») سياقتى تانىمال جازۋشىلارمەن قاتار قازاقستاندىق جانە حالىقارالىق تاريحشىلار, ساراپشىلار قاتىسقان.
atamekenbusiness_qaz حابارلاعانداي, Karga Seven Pictures جوشى حان تۋرالى سەريال تۇسىرەتىنىن بيىلعى جىلدىڭ كوكتەمىندە حابارلاعان. كومپانيانىڭ نەگىزىن قالاۋشىلاردىڭ ءبىرى — ەمرە شاحين تۇركيا مەن حالىقارالىق كينونارىقتا ۇلكەن تاجىريبەسى بار مامان. Netflix ءۇشىن «وسمان يمپەرياسىنىڭ ورلەۋى» سياقتى تانىمال جوبالاردى جۇزەگە اسىرعان.
