الەم جاڭالىقتارىجاڭالىقتار
نيدەرلاند پروكۋراتۋراسى: حالىقارالىق تەڭىز مەردىگەرى نازارباەۆقا پارا بەرگەن
فوتو: swzmaritime.nl
نيدەرلاند پروكۋرورلارى حالىقارالىق تەڭىز مەردىگەرى «Van Oord»-تى قازاقستاندا پارا بەردى دەپ ايىپتاپ وتىر, – دەپ حابارلايدى qandastar.kz.
پروكۋرورلار «Van Oord» قازاقستاننىڭ بۇرىنعى پرەزيدەنتى نۇرسۇلتان نازارباەۆقا قاتىسى بار كومپانياعا اقشا اۋدارعان دەپ كۇدىكتەنەدى.
Follow the Money جۋرناليستىك زەرتتەۋ پلاتفورماسىنداعى دەرەككە قاراساق, كومپانياعا قازاقتاندا ءىرى كەلىسىمدەر جاساۋعا ارنايى اگەنت كومەكتەسكەن.
2015 جىلى اتالعان كومپانيا قازاقستاندا جارتى ميلليارد دوللارعا تاپسىرىس العان. ونىڭ ىشىندە مۇناي مەن گازدى تيەۋ-ءتۇسىرۋ تەرمينالىنىڭ ارناسىنا قاتىستى جوبا بار.
«ءبىز كوتەرگەن ماسەلە «Van Oord» ىنتىماقتاستىقتى مەرزىمىنەن بۇرىن توقتاتقان اگەنتكە قاتىستى بولىپ وتىر. 2017 جىلى كومپانيا ىشكى پروتسەدۋرالاردى كۇشەيتكەنىن بىلدىك. بىرنەشە اگەنتپەن كەلىسىمدەر قايتا جاڭارتىلماي, ال ءبىر اگەنتپەن كەلىسىمشارت مۇلدە توقتاعان. كومپانيانىڭ كەلىسىمشارتتى بۇزعانى ءۇشىن اگەنت بەس ميلليون ەۋرو وتەماقى العان. بۇدان بولەك, جاڭاعى اگەنت 19 ميلليون ەۋروعا كەنەلگەنى كۇماندى», – دەلىنەدى رەسمي دەرەككوزدە.
كومپانيانىڭ 2017 جىلعى ەسەبىنە سايكەس, بۇل مامىلەلەر زاڭ اياسىندا جاسالماعان. سوندىقتان نيدەرلاند پروكۋراتۋراسى ءىستى قاتاڭ نازارعا الىپ, 2020 جىلدان بەرگى جالعاسقان تەرگەۋدىڭ نۇكتەسىن قويۋعا اسىق.
