Nıderland prokýratýrasy: Halyqaralyq teńiz merdigeri Nazarbaevqa para bergen

Foto: swzmaritime.nl

Nıderland prokýrorlary halyqaralyq teńiz merdigeri «Van Oord»-ty Qazaqstanda para berdi dep aıyptap otyr, – dep habarlaıdy qandastar.kz.

Prokýrorlar «Van Oord» Qazaqstannyń burynǵy prezıdenti Nursultan Nazarbaevqa qatysy bar kompanııaǵa aqsha aýdarǵan dep kúdiktenedi.

Follow the Money jýrnalıstik zertteý platformasyndaǵy derekke qarasaq, kompanııaǵa Qazaqtanda iri kelisimder jasaýǵa arnaıy agent kómektesken.

2015 jyly atalǵan kompanııa Qazaqstanda jarty mıllıard dollarǵa tapsyrys alǵan. Onyń ishinde munaı men gazdy tıeý-túsirý termınalynyń arnasyna qatysty joba bar.

«Biz kótergen másele «Van Oord» yntymaqtastyqty merziminen buryn toqtatqan agentke qatysty bolyp otyr. 2017 jyly kompanııa ishki proedýralardy kúsheıtkenin bildik. Birneshe agentpen kelisimder qaıta jańartylmaı, al bir agentpen kelisimshart múlde toqtaǵan. Kompanııanyń kelisimshartty buzǵany úshin agent bes mıllıon eýro ótemaqy alǵan. Budan bólek, jańaǵy agent 19 mıllıon eýroǵa kenelgeni kúmándi», – delinedi resmı derekkózde.

Kompanııanyń 2017 jylǵy esebine sáıkes, bul mámileler zań aıasynda jasalmaǵan. Sondyqtan Nıderland prokýratýrasy  isti qatań nazarǵa alyp, 2020 jyldan bergi jalǵasqan tergeýdiń núktesin qoıýǵa asyq.