«نيكابىن شەشتى»: زاڭگەر ساقالدىلاردان قورلىق كورگەن قىزدىڭ قازىرگى جاعدايىن باياندادى

كوللاج: Sn.kz

بۇعان دەيىن زاڭگەر, قوعام بەلسەندىسى ايگۇل ورىنبەك 13 جاسىنان توسەك قاتىناسىنا تۇسكەن, ساقالدىلاردان قورلىق كورگەن قىز تۋرالى بايانداعان ەدى. بۇل جولى زاڭگەر قىزدىڭ جاعدايى جاقسارىپ, قالىپتى ومىرگە بەيىمدەلە باستاعانىن ايتتى, دەپ حابارلايدى  qandastar.kz Skifnews.kz اقپارات پورتالىنا سىلتەمە جاساپ.

ايگۇل ورىنبەك بۇل تۋرالى الەۋمەتتىك جەلىدەگى پاراقشاسىندا جازدى. ونىڭ جازۋىنشا, قازىر ايشا ارنايى ءبىر ورتالىقتا تۇرىپ جاتىر.

«ايشا قىزدىڭ ومىرىنە الاڭداپ جازىپ جاتقاندار كوپ.

ايشا نيكابىن شەشتى. اپكە رەتىندە  العاشقى اشىق ءتۇستى كويلەگى مەن  ورامالىن الىپ بەردىم.

ايشا قازىر ورتالىققا ورنالاستىرىلدى. جەكە باسىنا قاۋىپ تونبەس ءۇشىن, قانداي ورتالىق ەكەنىن اشىق جازبايمىن. ەڭ باستىسى ايشا مەن ەلىمىزگە تانىمال  مىقتى ماماندار ءوزىمنىڭ تەولوگ اعايلارىم جۇمىس ىستەپ جاتىر. ورتالىقتىڭ  پسيحولوگتارىنا العىس بىلدىرگىم كەلەدى.

ءبىر ادامنىڭ ءومىرىن, كوزقاراسىن  وزگەرتۋگە قانشاما ادام وسىلاي بىرلەسىپ جۇمىس ىستەپ جاتىرمىز!», – دەپ جازدى ول.