نونسەنس: دارحان ساتىبالدى ديرەكتورلارعا مۇعالىمدەردى جۇمىسقا تەگىن قابىلداۋدى بۇيىردى

فوتو: primeminister.kz

الەۋمەتتىك جەلىدە تۇركىستان وبلىسىنىڭ اكىمى دارحان ساتىبالدىنىڭ مەكتەپ ديرەكتورلارىنا, ءبىلىم ءبولىمى باسشىلارىنا جاساعان ەسكەرتۋىنىڭ ۆيدەوسى تارادى, دەپ حابارلايدى qandastar.kz   Qaz365.kz.

اكىم ءوز سوزىندە ديرەكتورلارعا مۇعالىمدەردى جۇمىسقا تەگىن قابىلداۋدى بۇيىرادى.

«مەكتەپتەرگە مۇعالىمدەردى جۇمىسقا الار كەزدە اقشا سۇرايدى دەگەن ماسەلەلەردى دە ەستىپ وتىرامىن. ولار بويىنشا كەرەك بولسا ديرەكتورلاردى دا, ونىڭ ارتىندا تۇرعان ادامداردى دا تەكسەرتكىزەمىز. بىزدە ءبىلىم سالاسى تازا بولۋى كەرەك. ءبىز سىزدەرگە سونشالىقتى كوپ قاراجات ءبولىپ جاتىرمىز. پرەزيدەنتتىڭ ايتۋىمەن «جايلى مەكتەپتەر» سالىنىپ جاتىر. ال مىنا جاعىنا كەلگەندە سونداي جاعداي جاساپ جاتساڭىزدار, بالالار قالاي وسەدى? كەلەشەگىمىز نە بولادى?» – دەيدى ول.

الەۋمەتتىك جەلىگە تاراعان ۆيدەو اكىمنىڭ كەلەس اۋدانىنا بارعان كەزدە تۇسىرىلگەن. بىراق ۆيدەودا كوتەرىلگەن ماسەلە وزەكتىلىگىن ءالى جويعان جوق. ءبىلىم سالاسىنداعى جەمقورلىق از ەمەس. ءتىپتى نەگە بۇلاي ەكەنىن جۋرناليستەر وقۋ-اعارتۋ مينيسترىنەن سۇراعان ەدى.