Nonsens: Darhan Satybaldy dırektorlarǵa muǵalimderdi jumysqa tegin qabyldaýdy buıyrdy

Foto: primeminister.kz

Áleýmettik jelide Túrkistan oblysynyń ákimi Darhan Satybaldynyń mektep dırektorlaryna, bilim bólimi basshylaryna jasaǵan eskertýiniń vıdeosy tarady, dep habarlaıdy qandastar.kz   Qaz365.kz.

Ákim óz sózinde dırektorlarǵa muǵalimderdi jumysqa tegin qabyldaýdy buıyrady.

«Mektepterge muǵalimderdi jumysqa alar kezde aqsha suraıdy degen máselelerdi de estip otyramyn. Olar boıynsha kerek bolsa dırektorlardy da, onyń artynda turǵan adamdardy da teksertkizemiz. Bizde bilim salasy taza bolýy kerek. Biz sizderge sonshalyqty kóp qarajat bólip jatyrmyz. Prezıdenttiń aıtýymen «Jaıly mektepter» salynyp jatyr. Al myna jaǵyna kelgende sondaı jaǵdaı jasap jatsańyzdar, balalar qalaı ósedi? Keleshegimiz ne bolady?» – deıdi ol.

Áleýmettik jelige taraǵan vıdeo ákimniń Keles aýdanyna barǵan kezde túsirilgen. Biraq vıdeoda kóterilgen másele ózektiligin áli joıǵan joq. Bilim salasyndaǵy jemqorlyq az emes. Tipti nege bulaı ekenin jýrnalıster Oqý-aǵartý mınıstrinen suraǵan edi.